POP 5

Lajmet më të lexuara të 5 minutave të fundit

Ekonomi

Italia ndihmë Shqipërisë për ngritjen e sistemit të pagesave, Sejko takon Guvernatorin e Bankës Italiane

Transferta më të shpejta dhe me kosto më të ulët, mbi këtë synim në Shqipëri do të ngrihet një sistem për pagesat elektronike. Italia do të japë asistencë teknike për të ngritur një sistem të ngjashëm me atë që përdorin vendet e BE-së.

Tirane- Banka e Shqipërisë do të marrë asistencë teknike nga Banka e Italisë për të ngritur një sistem për pagesat në mënyrë elektronike. Ky bashkëpunim bëhet i ditur nga Guvernatori i Bankës së Shqipërisë Gent Sejko pas një vizite me homologun e tij Italian Fabio Panetta.

Një sistem pagesash i ngjashëm me atë të TIPS (sistem i përdorur nga vendet e BE), do të ngrihet në vend, dhe do të mundësojë pagesat e shpejta brenda vendit në Shqipëri në Lekë dhe ne Euro. Transfertat përmes këtij sistemi mes qytetarëve, bizneseve apo qytetar-biznes, do të jenë më të lira dhe më të shpejta.

Gjatë takimit guvernatori i Bankës Italiane, ka thënë se ky projekt i jep tregut dhe ekonomisë shqiptare një infrastrukturë pagesash të shpejta, në përputhje me standardet evropiane, dhe në një hap zhvillimesh e përmirësimesh me vetë infrastrukturën evropiane TIPS. Së dyti, përgatit tregun e ofruesve të pagesave me një infrastrukturë identike me atë të përdorur nga vendet e Bashkimit Evropian.

Ndërsa guvernatori Sejko theksoi se implementimi i këtij sistemi nuk është me rëndësi vetëm për vendin, por mund të ketë impkat të madhe edhe në rajon.

Sistemi TIPS ose “TARGET Instant Payment Settlement” ka vite që funksionon në BE, dhe përmes tij bëhen transferta në çdo kohë. Duke qenë se Banka e Italisë është pjesë e këtij sistemi, ajo do ti ofrojë mbështetje Shqipërisë për një sistem ‘kloun’ me atë TIPS. Ndërkohë vendi po punon edhe për tu anëtarësuar në sistemin unik të pagesave në euro, i njohur si SEPA.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit