POP 5

Lajmet më të lexuara të 5 minutave të fundit

Horoskopi

Lajme nga emisionet

Jeta në çift për 2024-ën sipas Jofiel Koço! Cilat nga çiftet do ‘shkëlqejnë’ për këtë vit, cilat çifte do jenë në listën ‘gri’ dhe cilat në krizë?

Viti 2024 do na sjellë konfigurime të reja për çiftet martesore apo lidhjet dashurore. Por cilat nga çiftet do "shkëlqejnë" për këtë vit?

I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte okultisti dhe astrologu nga Korça, Jofiel Koço. Si numerolog gjithashtu dhe studiues me përvojë, ai foli për kombinimet më të mira të shenjave për vitin 2024, në aspektin e lidhjeve dhe martesave. Sipas tij, viti 2024 do na sjellë për shenjat, konfigurime të reja për çiftet martesore apo lidhjet dashurore. Por cilat nga çiftet do të shkëlqejnë në këtë vit sipas tij?

“Çifti që favorizohet më shumë për 2024-ën është: Binjak - Binjak, ndërsa do të ndiqet nga Dash - Binjak, Binjak - Luan, Luan - Peshore, Binjak - Peshore, Ujor  Binjak, Dash - Ujor” tha Jofieli në studio, duke shtuar se lidhjet e tjera që mund të vendosen  “në zonën gri” janë Bricjap – Akrep, ndërsa lidhjet në "krizë" ose çiftet që duhet të tregojnë më shumë kujdes përgjatë vitit 2024, do të jenë Shigjetar - Virgjëreshë.

Ky kombinim rezulton më problematiku, duke filluar që nga Pranvera e 2024-s. Këto dy shenja do të manifestojnë anën e tyre " të errët ", Shigjetari në momente të caktuara do të jetë i papërgjegjshëm, mos-kokëçarës , maniak i hobeve personale, bashkë me një Virgjëreshë neurotike, kritike deri në detaj dhe që merr vendime të befasishme, teksa duket se një çift i tillë do të ketë furtuna në aspektin shpirtëror dhe emocional.

”Më pas në renditje, çiftet që duhet të jenë tepër të kujdesshëm janë: Shigjetar - Shigjetar, Virgjëreshë - Gaforre dhe Shigjetar - Gaforre” tha Jofieli gjatë intervistës në studion e Rreze Dielli, duke mos harruar të shtonte se paçka kombinimeve, në fund të ditës, të gjitha shenjat janë “pronare” të fatit të tyre, pasi ai nuk shkruhet.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit