POP 5

Lajmet më të lexuara të 5 minutave të fundit

Ekonomi

Jiang Yu dhe Subashi vizitë tek Bankers, drejtori ekzekutiv: Do investojmë 150 mln dollarë vitin që vjen

Drejtori ekzekutiv i Bankers, Xingyun Sun konfirmoi përpara ambasadores kineze dhe kryebashkiakut të Fierit, Subashi se aksionerët e rinj të kompanisë kanë plane ambicioze për kompaninë dhe prandaj për vitin e ardhshëm investimet do rriten
Jiang Yu dhe Subashi vizitë tek Bankers, drejtori ekzekutiv: Do investojmë 150 mln dollarë vitin që vjen

Ambasadorja e Kinës, Jiang Yu dhe kryebashkiaku Subashi gjatë vizitës në kompaninë Bankers

Ambasadorja e Kinës, Jiang Yu dhe kryetari i bashkisë së Fierit, Armando Subashi, zhvilluan një vizitë zyrtare në ambientet e kompanisë më të madhe të naftës, Bankers Petroleum. Kompania, e cila operon për më shumë se 15 vitesh në fushën e naftës së Patos-Marinzës, që nga viti 2016 është blerë nga kompania kineze Geo-Jade.

Gjatë bisedës, drejtori ekzekutiv i Bankers, Xingyun Sun konfirmoi se aksionerët e rinj të kompanisë kanë plane ambicioze për kompaninë dhe prandaj për vitin e ardhshëm investimet do të rriten ndjeshëm.

"Për vitin e ardhshëm ne kemi planifikuar mbi 150 milionë dollarë amerikanë investimesh, që do të thotë më shumë prodhim, më shumë të ardhura për ne, por edhe për qeverinë lokale dhe qendrore"

Drejtori ekzekutiv i Bankers, Xingyun Sun

Ambasadorja e Kinës vlerësoi bashkëpunimin institucional midis kompanisë dhe Bashkisë dhe theksoi se kjo marrëdhënie do të intensifikohet në të ardhmen. Zonja Ju theksoi se investimet kineze në Shqipëri do të rriten dhe Bankers është një shembull i qartë që tregon seriozitetin dhe ndikimin e rëndësishëm që kanë këto kapitale në vend.

"Natyrisht, rritja e këtyre investimeve nuk mund të bëhet pa bashkëpunimin dhe mbështetjen e të gjithë aktorëve, qeverisë lokale dhe qendrore, komunitetit dhe opinionit publik"

Ambasadorja e Kinës, Jiang Yu

Ndërkohë, kryetari i bashkisë së Fierit, Armando Subashi konfirmoi mbështetjen e tij për bashkëpunim të mëtejshëm, qoftë në investime në komunitet dhe rajonin e Fierit, por edhe në zgjerimin e mëtejshëm të kompanisë.

"Ne e vlerësojmë shumë Bankersin si një partner të suksesshëm për rajonin tonë, duke qenë tatimpaguesi më i madh që kemi. Jam shumë mirënjohës sepse edhe në kohët më të vështira që kjo kompani ka hasur nuk ka pasur vonesa në pagesat e taksave vendore, duke qenë kështu një nga partnerët më seriozë që kemi, "

Kryebashkiaku i Fierit, Armando Subashi

Logoja e kompanisë Bankers Petroleum

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 02/10/2018 13:57

    Bankersi qe kur e miren kinezet , ka ndryshur per mire , si ne rritjen e pridhimit dhe punesimit , ndihmat per komunitetin . Kjo perfirmance e Bankersit sot nuk krahasohet kur e kishin kanadezet , qe jo vetem demtuan komunitetin me shpinet e tyre por nuk ishin korrekt as me taksat dhe as me kontratat e shtetit . Uroj qe kinezet do ta permiresojne ne mire akoma gjendjen e kompanise me te madhe ne vend

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit