Ndahet nga jeta gruaja e Romano Prodit, ish-kryeministrit italian i cili vizitoi Shqipërinë në vitin e vështirë

Është ndarë nga jeta Flavia Franzoni, gruaja e ish-kryeministrit të Italisë e ish-presidentit të KE-së Romano Prodit.

“Me pikëllim të madh, presidenti Romano Prodi, së bashku me djemtë e tij Giorgio, Antonio dhe gjithë familjen e tij, bën të ditur se sot “u nda nga jeta papritmas bashkëshortja e tij, Flavia Franzoni”.

Kështu bëhet e ditur nga zyra e shtypit e Romano Prodit.

Flavia Franzoni, e cila prej disa kohësh vuante nga një sëmundje e zemrës, ishte duke ecur me të shoqin nga Perugia në Asizi dhe papritur u sëmur. Ata po udhëtonin me disa miq, përfshirë ish-ministrin Arturo Parisi, në një shteg françeskan në Umbria. Përpjekjet për ta risjellë një jetë ishin të padobishme.

Flavia Franzoni ishte profesoreshë e metodave dhe teknikave të punës sociale në Fakultetin e Shkencave Politike të Bolonjës. Në vitin 1996, së bashku me të shoqin, ajo mori pjesë në fushatën elektorale për politikat, të cilën më pas e fitoi Ulivo.

Kujtojmë se Romano Prodi ka ndihmuar vendin tonë në vitin e vështirë 1997, kur ai ishte kryeministër i Italisë. Së bashku me ish-kryeministrin e qeverisë së Pajtimit Kombëtar Bashkim Fino, u takuan në stadium në Vlorë, kur ka zbritur helikopteri që vinte nga Italia.

Kjo ishte një vizitë historike, pasi ndodhi në një moment kur shteti nuk ekzistonte dhe shteti i vërtetë ishin bandat e armatosura. Ai ishte i rrethuar nga njerëz të armatosur, mes tyre dhe një nga drejtuesit më të njohur të bandave të Vlorës në atë kohë, Zani Caushi, i cili ishte dhe truproja i tij.

TAG:
• Flavia Franzoni
• Romano Prodi
• itali

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë