POP 5

Lajmet më të lexuara të 5 minutave të fundit

Sport

Kalimi te Ferrari, Hamilton shuan zërat: Spekulime, Mercedes gaboi me makinën

Piloti i Mercedes në Formula 1, Lewis Hamilton ka shuar zërat për një kalim të tij te Ferrari. Pak ditë më parë, në Angli njoftuan se "Kokëkuqja" italiane ishte pranë një marrëveshjeje me britanikun.

Kalimi te Ferrari, Hamilton shuan zërat: Spekulime, Mercedes gaboi me makinën

Lewis Hamilton

Piloti i Mercedes në Formula 1, Lewis Hamilton ka shuar zërat për një kalim të tij te Ferrari. Pak ditë më parë, në Angli njoftuan se "Kokëkuqja" italiane ishte pranë një marrëveshjeje me britanikun. Ka qenë vetë Hamilton që në një bisedë të fundit ka vendosur pikat mbi "i".

"Kur afron fundi i kontratës, zakonisht nisin gjithnjë spekulimet. Kjo po ndodh së fundmi, nëse nuk dëgjoni fjalë nga unë, atëherë gjithçka tjetër është spekulim. Nuk ka asnjë negociatë me Ferrarin, jam pranë rinovimit me Mercedesin. Skuadra ime dhe drejtori Totto Wolf janë duke punuar në prapaskenë dhe jemi drejt fundit me kontratën që është bërë gati", tha fillimisht Hamilton.

Piloti tregoi se Mercedes ka gabuar në dy sezonet e fundit, duke vendosur theksin te makina.

"Rinovimi im me Mercedesin nuk është vonuar për shkak të problemeve që ka makina. Është e vërtetë se në dy vitet e fundit kemi disa zgjedhje të gabuara, megjithatë po punojmë që t’i rregullojmë. Kam pas një skuadër perfekte dhe shpresoj që në javët e ardhshme të shohim ndryshimet", tha britaniku.

Sa i takon garës së fundjavës në Monte Carlo, Hamilton kërkon të afrohet me pilotët e kreut. Pas pesë garave të para, Hamilton me 56 pikë mban vendin e katërt, teksa Verstappen prin klasifikimin me 119 pikë, ndjekur nga piloti tjetër i Red Bull, Sergio Perez. Në vendin e tretë Fernando Alonso i Aston Martin.

"Këtë fundjavë në pistën e Çmimin e Madh të Monacos, ndryshimet do të jenë pak të vështira për t’u dalluar për shkak të veçorive të pistës, por shpresoj që t’ju afrohemi pak më shumë pilotëve të kreut. Ndoshta nuk do të arrijmë të luftojmë për të fituar, por pres të jemi më të përfshirë në duele”, mbylli Hamilton.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit