POP 5

Lajmet më të lexuara të 5 minutave të fundit

Sport

Kampion i NBA pas 50 vitesh, Milwauke Buck fiton titullin e dytë në histori! Në finale shkëlqen 'zoti grek' (VIDEO)

Pas 50 vitesh Milwauke Buck ka fituar titullin e dytë në historinë e NBA. Në finalen e gjashtë fitoi 105-98 kundër Phoenix Sund, ndërsa shkëlqeu basketbollisti grek Antetokunmpo me 50 pikë.

Milwauke Buck është shpallur kampione e NBA-s për sezonin 2020-2021. Në finalen e gjashtë ‘play-off’ triumfoi 105-98 kundër Phoenix Sund, duke përmbysur 4-2 serinë e finaleve edhe pse dy të parat ishin fituar nga kundërshtarët.

Për Milwauke Buck ky është titulli i dytë në histori, që vjen pas një gjysmë shekulli. Titulli i fundit ishte fituar në vitin 1971.

Ai që vulosi fitoren e Bucks në këto finale ishte greku Giannis Antetokounmpo, autor i 50 pikëve e 14 rebound, i konsideruar në këto finale edhe si zoti nga Greqia. Basketbollisti grek u shpall edhe MVP i finaleve, sukses tërësisht i merituar për të pas dy trofeve MVP të sezonit të rregullt në dy kampionatet e mëparshme.

Giannis këtë sezon kishte një mesatare prej 35.2 pikë dhe 12.2 rebound për ndeshje, ndërsa u mbështet në këtë triumf edhe nga Khris Middlton (me 17 pikë) e Jrue Holiday (me 12 pikë), një trio që këtë sezon ka bërë diferencën në parket. Në kahun tjetër, Chris Paul realizoi 26 pikë e Devin Booker 19, por që nuk mjaftuan për të evituar humbjen.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit