POP 5

Lajmet më të lexuara të 5 minutave të fundit

Kronikë

Kapen duke vendosur lloto në lokal, arrestohen dy persona në Berat! Procedohen penalisht tre të tjerë

Dy persona janë arrestuar ndërsa tre të tjerë janë proceduar penalisht në Berat pasi ushtronin aktivitetin e paligjshëm të lojërave të fatit online.

Kapen duke vendosur lloto në lokal, arrestohen dy persona në Berat! Procedohen penalisht tre të tjerë

Foto ilustruese

Dy persona janë arrestuar ndërsa tre të tjerë janë proceduar penalisht në Berat pasi ushtronin aktivitetin e paligjshëm të lojërave të fatit online.

Mësohet se në pranga kanë rënë Lulzim Veliaj, 53 vjeç, dhe Florjan Koreci, 36 vjeç, pasi gjatë kontrollit në ambjentet e lokalit në pronësi të Veliajt u konstatua duke vendosur lloto Koreci.

Ndërsa tre të tjerë janë proceduar penalisht për të njëjtën arsye, A.K., 20 vjeç, V.B., 46 vjeç dhe D.P., 21 vjeç, banues në Dimal.

Njoftimi i Policisë
Vijojnë kontrollet për parandalimin, evidentimin dhe goditjen e aktivitetit të kundërligjshëm në fushën e lojrave të fatit. Arrestohen në flagrancë 2 shtetas dhe procedohen penalisht 3 të tjerë.

Specialistët e Seksionit për Hetimin e Krimit në Komisariatin e Policisë Berat dhe Stacionin e Policisë Dimal konstatuan dy raste të ushtrimit të aktivitetit të paligjshëm të lojërave të fatit online.

Në përfundim të veprimeve hetimore, specialistët për Hetimin e Krimit në Komisariatin e Policisë Berat arrestuan shtetasit L.V., 53 vjeç, dhe F.K., 36 vjeç, banues në lagjen "Donika Kastrioti", Berat, pasi gjatë kontrollit në ambjentet e lokalit në pronësi të shtetasit L.V u konstatua duke ushtruar aktivitetin e lojrave të fatit, lloto sporti online shtetasi F.K.

Specialistët për Hetimin e Krimit në Stacionin e Policisë Dimal proceduan penalisht shtetasit A.K., 20 vjeç, V.B., 46 vjeç dhe D.P., 21 vjeç, banues në Dimal, pasi gjatë kontrollit në ambjentet e lokalit në pronësi të shtetasit A.K, u konstatuan duke ushtruar aktivitetin e lojrave të fatit, lloto sporti online shtetasit V.B dhe D.P.

Në cilësinë e provës materiale u sekustruan 3 aparate celular, të cilët dyshohet se përdoreshin për ushtrimin e aktivitetit të lojrave të fatit. Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vironi: 08/12/2021 23:26

    Ne Tirane bixhozi lulezon haput fare sidomos ne lokale e neper bilardo por policia nuk shikon.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit