POP 5

Lajmet më të lexuara të 5 minutave të fundit

Sport

Klasikja e futbollit italian, Madzukiç dhe Ronaldo 'vrasin' Milanin, Juventus nis shkëputjen (VIDEO)

Dy golat e shënuan nga Mario Madzukiç dhe Cristiano Ronaldo vendosin fatin e klasikes së futbollit italian. Juventus nis shkëputjen i vetëm në krye të Seria A me 34 pikë pas 12 jave të luajtura, 6 më shumë se Napoli i vendit të dytë.

Klasikja e futbollit italian, Madzukiç dhe Ronaldo 'vrasin' Milanin, Juventus nis shkëputjen (VIDEO)

Lojtarët e Juventus duke festuar golin e Madzukiç kundër Milanit

Të ndalësh Juventusin e viteve të fundit në Itali është bërë mision thuajse i pamundur, të mundohesh ta bësh me gjysmë ekipi, është utopi. U mundua me të gjitha forcat Milani, por u mund 2-0 dhe nuk pati as fatin me vete, ai që mund t’i jepte një përqindje plus në përballjen e pabarabartë me kampionët e Italisë, që prej një dekade dominojnë në "San Siro". Në njërin krah Cristiano Ronaldo, në krahun tjetër Zapata e Abate, lojtarë që ndoshta nuk do të gjenin vend as tek rezervat e rezervave te Juventusi, mjafton kaq për të kuptuar çfarë i priste kuqezinjtë.

Që në fillim u kuptua që do të ishte një mbrëmje e vështirë për skuadrën e Gatuzos dhe në minutën e tetë Mandzukiç konkretizoi epërsinë e madhe të Juves. Në vazhdim Milani ishte tepër inferior, por Juve nuk e dha goditjen finale dhe në fund të pjesës së parë VAR ndërhyri, për të dhënë një penallti në favor të Milanit, pasi Benatia preku me dorë një top të kontrolluar në zonë nga Higuain. Argjentinasi, i cili në verë u largua për t’i bërë vend Ronaldos, ishte tepër i karikuar në këtë sfidë dhe e mori vetë përsipër penalltinë, duke e çuar në shtyllë, edhe për shkak se portieri Szczęsny devijoi lehtë.

Në pjesën e dytë Milani tregoi më shumë kurajo dhe u fut edhe Kutrone, duke bërë që ndeshja të ishte mjaft e hapur dhe me sulme e kundërsulme, por në minutën e 81-të Milani e bëri lëmsh në mbrojtje dhe Cristiano Ronaldo nuk fali, duke mbyllur gjithçka. Tre minuta më vonë Higuain u ndëshkua me karton të verdhë për një faull të kotë, u tërbua dhe shau arbitrin Mazoleni, i cili e nxori me karton të kuq. Natë e mallkuar për Milanin, por edhe për Higuain, ndërsa Juventusi mbetet i pari, i shkëputur. /EDS/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit