Kolumbi/ I dyshuar për lidhjen me mafian kalabreze, arrestohet bosi italian i 'Ndrangheta'

Një 55 vjeçar italian, i dyshuar për lidhje me mafian kalabreze, Ndrangheta u arrestua të enjten në Kolumbi, sipas një njoftimi të Interpolit. Massimo Gigliotti kërkohej ndërkombëtarisht nën një njoftim të kuq të INTERPOL-it.

Arrestimi i të dyshuarit ishte rezultat i bashkëpunimit ndërkombëtar në kuadër të programit të Interpolit të quajtur I-CAN (“Bashkëpunimi i Interpolit kundër Drangheta”) në Lion, me mbështetjen e një oficeri italian në Kolumbi.

Që kur u krijua në vitin 2020, I-CAN ka lehtësuar kapjen e 93 të kërkuarve ndërkombëtar, sipas Interpol, një organizatë ndërkombëtare me 195 shtete anëtare dhe 800 punonjës në Lion.

Gigliotti u arrestua nga Policia Kombëtare e Kolumbisë, pasi oficerët e Departamentit Operativ Hetimor të Karabinierëve në Bolonja analizuan dhe qarkulluan informacione nga EUROPOL. Ata bashkëpunuan me njësitë I-CAN dhe INTERPOL në Lyon, me mbështetjen e një oficeri italian në Kolumbi.

Drejtori i Mbështetjes dhe Analizës Operative të INTERPOL-it Cyril Gout tha: “Përmes këtij arrestimi, I-CAN vazhdon të tregojë efektivitetin e saj në luftimin e një prej organizatave kriminale më të gjera dhe më të fuqishme në botë. Modeli I-CAN është ndërtuar në ofrimin e vendeve me një model bashkëpunimi që sjell vlerë të shtuar operacionale, veçanërisht në një kohë kur kërkohet veprim urgjent dhe i koordinuar global për të trajtuar krimin e organizuar transnacional".

Që nga fillimi i tij në 2020, I-CAN ka vënë në pranga 93 të arratisur në mbarë botën.

TAG:
• kolumbi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë