Korçë/ Nënë e bijë shkuan në spital pesë ditë para se të gjendeshin të vdekura në banesë, Ornela nuk pranoi ta shtronte të ëmën e paralizuar

Pesë ditë të vdekura në banesë kanë qëndruar nënë e bijë Eleni dhe Ornela Vangjeli 75 dhe 54 vjeçe, derisa janë gjetur dje pa shenja jete nga djali i cili jetonte në Greqi, por kishte udhëtuar drejt Korçës pasi prej ditësh nuk komunikonte me to.

Lidhur me vdekjen e tyre policia është ende në fazën e hetimeve por sipas burimeve konfidenciale pranë spitalit rajonal të Korçës bëhet e ditur se nënë e bijë janë paraqitur në spitalin e Korçës të shtunën pasi 74 vjeçarja ka pasur oksigjen të ulët.

Gazetari i Report Tv Armand Brahoduke cituar mjekët thotë se për 74 vjeçaren e cila ishte e paralizuar janë bërë të gjitha kontrollet e nevojshme sipas protokollit ndërkohë që bluzat e bardha i kanë sugjeruar të bijës Ornelës për ta shtruar nënën e saj në spital por ajo nuk ka pranuar duke firmosur daljen e Eleni Vangjelit nga spitali.

Do të jetë ekspertiza mjekoligjore që do të përcaktojë shkakun e vdekjes të të dyjave ndërkohë që nga familjarët pra djali nuk është ngritur asnjë pretendim. Nga hetimet paraprake është raportuar se vdekja dyshohet se ka ndodhur nga shkaqe natyrale.

TAG:
• Korce
• ornela vangjeli
• eleni vangjeli

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë