Kosovë/ Albin Kurti për hapjen e Urës së Ibrit: Po i presim Quint-in dhe KFOR-in! Komandanti i forcave të NATO-s takohet me ambasadorin e BE-së

Kryeministri i Kosovës, Albin Kurti ka thënë se janë gati për hapjen e urës së Ibrit, teksa shtoi se janë duke pritur miratimin e Quint-it dhe KFOR-it.

“Ne jemi gati, me konsultime dhe koordinim, po i presim QUINT-in dhe KFOR-in, ne i kemi kryer punët tona, kemi bërë përgatitjet sa i përket pastrimit, mjedisit rrotull aty, edhe vlerësimit të qëndrueshmërisë në aspektin fizik dhe teknik, tashmë kanë kaluar bukur kohë që raporti preliminar thotë se ura është e qëndrueshme, besoj ajo urë duhet të hapet edhe për automjete sepse liria e lëvizjes, sundimi i ligjit dhe marrëveshja në Bruksel e kërkojnë një gjë të tillë”, deklaroi Kurti para mediave, nga veriu i Mitrovicës

Më tej, ai theksoi se Ura e Ibrit duhet të hapet për automjete, sepse sipas tij liria e lëvizjes, sundimi i ligjit dhe marrëveshja në Bruksel e kërkojnë një gjë të tillë.

Kryeministri i Kosovës, Albin Kurti bashkë me ministrin e Punëve të Brendshme, Xhelal Sveçla ishin sot në veri ku vendosën gurthemelin e stacionit të ri të policisë në Leshak, raportojnë mediat kosovare. 

Ndërkohë komandanti i misionit të KFOR-it të udhëhequr nga NATO, gjeneralmajor Özkan Ulutaş, ka pritur sot në selinë e KFOR-it në Prishtinë, shefin e sapoemëruar të Zyrës së BE-së në Kosovë dhe Përfaqësuesin Special të BE-së në Kosovë, ambasadorin Aivo Orav.

Bëhet e ditur se gjeneralmajor Ulutash dhe ambasadori Orav shkëmbyen mendime mbi zhvillimet e fundit.

“Komandanti përsëriti përkushtimin e palëkundur të KFOR-it për bashkëpunim të vazhdueshëm me misionin e BE-së për Sundimin e Ligjit (EULEX) dhe mbështetjen e plotë për dialogun e ndërmjetësuar nga BE-ja ndërmjet Beogradit dhe Prishtinës. Bashkëpunimi NATO-BE është kyç për sigurinë e qëndrueshme në mbarë Kosovën dhe në rajon stabiliteti”, thuhet në njoftimin e zyrës për informim e KFOR-it.

TAG:
• Albin Kurti
• ura e ibrit

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë