Kryeministri spanjoll merr një ‘zarf të dyshimtë’, pas shpërthimit në ambasadën e Ukrainës

Policia spanjolle informoi Gjykatën Kombëtare se kishte përgjuar një zarf me material piroteknik drejtuar kryeministrit Pedro Sanchez, vetëm pak orë pasi zarfi i dyshimtë mbërriti në bazën ajrore Torrejon de Ardoz mëngjesin e sotëm.

Deri më tani janë përgjuar katër zarfe. Sekretari i Shtetit për Sigurinë, Rafael Perez do të dalë në një konferencë për shtyp në orën 12:00 në selinë e Ministrisë së Brendshme për të informuar opinionin rreth këtyre ngjarjeve, raportojnë mediat e huaja.

Burime nga Ministria e Brendshme konfirmuan për shërbimin publik se rreth orës 3-4 të mëngjesit, në njësinë ushtarake të bazës ajrore Torehod de Ardoz ka mbërritur një zarf i dyshimtë drejtuar qendrës satelitore.

Gjatë kalimit përmes skanerit, përmbajtja e zarfit ndezi alarmet, të cilat lajmëruan forcat e sigurisë. Menjëherë janë aktivizuar protokollet përkatëse, ndërsa Policia Kombëtare ka marrë përsipër analizën e zarfit, që mund të jetë i ngjashëm me ato të përgjuar më herët.

TAG:
• Pedro Sánchez
• spanje
• ukraine
• Rusi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë