POP 5

Lajmet më të lexuara të 5 minutave të fundit

Sport

Lazio thyen rekorde në Seria A, Inzgahi drejton më mirë se Erikson dhe Immobile shënon më shumë se Messi

Fitorja kundër Napolit e ka bërë Lazio-s të thyejë rekorde në ‘Seria A’. Simeno Inzaghi po drejton më mirë se sa në epokën e Svengoran Erikson, trajnerit suedez që ka shkruar historinë me klubin bardhekaltër.

Lazio thyen rekorde në Seria A, Inzgahi drejton më mirë se Erikson dhe Immobile shënon më shumë se Messi

Simone Inzaghi më mirë se Svengoran Erikson dhe Ciro Immobile më mirë se Lewandowski dhe Messi. Tingëllon si blasfemi, por në fakt është e vërtetë! E nisim nga snajperi i Lazio-s, Immobile, i cili dhe pse rrugën për këpucën e artë e ka të gjatë, po e udhëheq me bindje duke lënë pas gjigandët e tjerë europian

20 gola shumëzuar me koeficientin e vështirësisë 2 të Serie A bëjnë 40 pikë për Immobile, i cili ndiqet nga Lewandowski me 38 pikë, Werner me 36 dhe Vardy 34. E madje dhe vetë Messi ëshë larg me 13 golat e shënuar në La Liga.

Me 20 golat e shënuar në 18 ndeshjet e para të ketij sezoni Immobile barazon rekordin e ish-sulmuesit argjentinas të Milanit Angelillo's, që rezistonte që nga sezoni 1958-59 dhe nëse vazhdon me këtë ritem mund të arrijë një shifër rekord në një sezon të Serie A prej 40 golash, duke tejkaluar rekordin aktual të Higuain në sezonin 2015-16 me Napolin që realizoi 36 herë. Dukë parë ecurinë nuk duket i paarritshëm!

Dhe pastaj vjen Inzaghi që ka bërë me mire se Erikson, pasi me 10 fitoret  radhasi në kampionat thyen rekordin e klubit të vendosur nga trajneri suedes në sezonin 1998-99. "Ështe një rekord i rëndësishëm, pasi përveç këtyre ndeshjeve fituam dhe një trofe gjatë ecurisë dhe për këtë duhen komplimentuar djemtë,"-u shpreh Inzaghi.

Dhe me të vërtetë që meritojnë komplimenta pasi nuk dorëzohen kurrë dhe këtë e vërtetojnë më së miri 12 pikët që ata kanë arritur ti sigurojnë vetëm në fund të 4 sfidave. Tani ata janë më afër se kurrë këtë sezon me Interin dhe Juventusin dhe me një ndeshje për të rikuperuar kundër Veronës bardhë-blutë roman mund të jetesojnë më shumë se kurrë ëndrrën "Scudeto".

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit