POP 5

Lajmet më të lexuara të 5 minutave të fundit

Kronikë

Lekët e xhiros që dyshohet i morën jetën! 'Dëshmitarët mbyllën sytë dhe veshët', ja sa para u gjetën në xhepat e Egli Progës

Lekët e xhiros që dyshohet i morën jetën! 'Dëshmitarët mbyllën sytë dhe veshët', ja sa para u gjetën në xhepat e Egli Progës

1723571646_egliprogadenismece.jpg

Në xhepat e 42-vjeçarit Egli Proga u gjetën vetëm 107 mijë lekë të vjetra dhe 5 euro. Kaq ishte xhiroja ditore të cilën refuzoi t’ia jepte Denis Meçes, në afërsi të lokalit të tij në Pogradec, përpara se ky i fundit ta godiste për vdekje.

Në dosjen e prokurorisë së Korçës, të zbardhur nga Top Channel, theksohet se gjatë kontrollit të trupit, Egli Progës i janë gjetur në njërin xhep 8700 lekë dhe 5 euro dhe në xhepin tjetër dy katrëmodhëna 2000 lekëshe.

Dëshmitë kontradiktore të personave që ishin të pranishëm gjatë ngjarjes, kanë ngritur edhe më shumë dyshime për atë që ndodhi paditen e së shtunës.

Pronari i lokalit ku ndodhi ngjarja pranon se ndodhej vetëm pak metra larg dy djemve, por thotë se nuk kishte dëgjuar asgjë dhe kamerat e lokalit të tij çuditërisht nuk ishin në gjendje të regjistronin.

“Nuk kanë bërë asnjë lloj debati apo konflikti midis tyre dhe ka ndejtur shumë pak kohë pasi vetëm gjysmën e birrës ka pirë dhe është ngritur ka shkuar në tualet. Kur doli jashtë kanë thirrur njerëzit me zë të lartë që kërkonin ujë dhe kam dalë me të shpejtë jashtë dhe e pashë atë të shtrirë në tokë, e ngrita për t’i dhënë ndihmë deri sa erdhi ambulanca që e mori. Kamera që kam unë tek lokali e kam kontrolluar dhe nuk regjistronte fare por vetëm sa sheh në moment dhe asgjë më tepër”.

30 metra larg vendit ku ndodhi ngjarja ka qenë edhe kushëriri i Igli Progës, i cili ka deklaruar përpara oficerit të policisë gjyqësore se nuk ka parë as ngjarjen dhe as autorin.

“Unë nuk jam afruar por kam parë nga larg që ka dalë i zoti i lokalit dhe i është afruar personit të rrëzuar në tokë dhe po i jepte ndihmë. Më thanë se personi që ishte rrëzuar në tokë ishte kushëriri im shtetasi Eglantin Proga. U afrova menjëherë dhe persona që ishin atje pranë lajmëruan dhe ambulancën që erdhi për 10 minuta. Unë nuk munda dot të identifikoj personin që goditi me grusht kushëririn tim. Nuk kam dëgjuar kur e pashë, as të bërtitura dhe as të shara.”


Lajmi kryesor:

DOSJA e vrasjes së Egli Progës/ ‘Ma dridh një duhan’, si nisi sherri me Denis Meçen! Lekët e xhiros që dyshohet se i morën jetën, ja sa para kishte në xhep
SI.E./Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit