Lleshaj për incidentin në kuvend: Përpjekja e opozitës, e ngjashme me skenat e Gruevskit

Ministri Brendshëm, Sandër Lleshaj ka reaguar lidhur me zhvillimet e ndodhura sot në seancën plenare të kuvendit.  Ai tha se pranimi i Maqedonisë së Veriut në NATO është në interes të vendit tonë ndërkohë që nuk la pa përmendur edhe incidentin e ndodhur në kuvend ku nënkryetari i Partisë Demokratike, Edi Paloka hodhi bojë në drejtim të kryeministrit Edi Rama. Lleshaj e krahasoi gjestin e Palokës me skenat e Gruevskit në Kuvendin e FYROM në prill të 2017.

"Maqedonia e Veriut në NATO është interes edhe i Shqipërisë. Përpjekja e opozitës për të njollosur solemnitetin atlantik të një vendimi në Kuvend, është turp dhe dëshpërim.

Përpjekja e sotme ishte shumë e ngjashme me ato skena që krijoi Gruevski në Kuvendin e FYROM në prill të 2017 në bashkëpunim të ngushtë me kumbarët antiatlantikë nga Lindja.

Asgjë nuk e ndalon vullnetin e njerëzve të lirë të Ballkanit për t’u bashkuar në NATO dhe BE. Urime për Maqedoninë e Veriut!", përfundoi Lleshaj.

TAG:
• edi rama
• edi paloka
• kuvend
• seanca e kuvendit 14 shkurt 2019

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë