Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit

Benjamin Netanyahu

Kryeministri izraelit Benjamin Netanyahu ka vendosur që Izraeli t’i paraqesë Gjykatës Penale Ndërkombëtare në Hagë (CPI) njoftimin për qëllimin e tij për të apeluar kundër urdhrave të arrestit të lëshuar ndaj tij dhe ish-ministrit të Mbrojtjes, Yoav Galant.

Netanyahu e mori këtë vendim në momentet e fundit, pasi afati për apelim përfundon sonte në mesnatë. Këtë e raporton Ynet.

Familjet e pengjeve po protestojnë në mënyrë paqësore të ulur përtokë përpara zyrës së kryeministrit Benjamin Netanyahu në Knesset në Jeruzalem.

“Na ktheni të dashurit tanë, bëni marrëveshjen për armëpushim siç bëtë me Libanin”, thonë ata.

Protestuesit i bëjnë thirrje qeverisë izraelite të negociojë me Hamasin për kthimin e të gjithë pengjeve në një fazë të vetme dhe për përfundimin e konfliktit.

Armëpushimi do të "mbrojë" Izraelin nga "kërcënimi" i grupit shiit, thanë në një deklaratë të përbashkët Biden dhe presidenti francez Emmanuel Macron, të cilët negociuan armëpushimin së bashku me Shtetet e Bashkuara.

Të dy vendet "do të punojnë së bashku me Izraelin dhe Libanin për të siguruar përputhjen e plotë me këtë marrëveshje", shtuan ata.

Foto: Liban

Qeveria spanjolle ka 'mirëpritur' njoftimin e një armëpushimi në Liban, duke theksuar se një armëpushim në Gaza mbetet "thelbësor" për uljen e tensioneve në Lindjen e Mesme.

“Qeveria mirëpret marrëveshjen e një armëpushimi 60-ditor, një kusht i domosdoshëm për adresimin e situatës humanitare në Liban dhe vazhdimin e zbatimit të plotë të Rezolutës 1701 të Këshillit të Sigurimit të Kombeve të Bashkuara", thuhet në një shënim të lëshuar nga Ministria e Jashtme.

Në deklaratë theksohet gjithashtu se Spanja "mbetet e angazhuar për stabilitetin rajonal përmes kontributit të saj në UNIFIL dhe do të mbështesë përpjekjet e de-përshkallëzimit për të mundësuar kthimin e të zhvendosurve në shtëpitë e tyre në të dyja anët e vijës blu dhe për të ecur drejt një zgjidhjeje politike të konfliktit."

Ushtria libaneze u ka kërkuar njerëzve që janë kthyer në Libanin jugor të shmangin fshatrat dhe qytetet kufitare ku ushtria izraelite (IDF) është ende e pranishme deri në tërheqjen e tyre.

Mijëra banorë janë kthyer në zona të tjera të evakuuara më parë në Libanin jugor, në kundërshtim me paralajmërimin e Izraelit për të shmangur të gjitha zonat e evakuuara më parë.

Shumë prej këtyre zonave u sulmuan vetëm disa orë para hyrjes në fuqi të armëpushimit midis Izraelit dhe Hezbollahut.

Një zyrtar i lartë i Hamas përshëndeti marrëveshjen e armëpushimit të Izraelit dhe Hezbollahut në Liban dhe shtoi se lëvizja palestineze është gjithashtu gati për një armëpushim me ushtrinë izraelite në Rripin e Gazës.

'Shpallja e armëpushimit në Liban është një fitore dhe një sukses i madh i rezistencës’, tha për AFP-në ky zyrtar i zyrës politike të Hamasit.

‘Hamasi është gati për një marrëveshje armëpushimi dhe një marrëveshje serioze për shkëmbimin e të burgosurve’, shtoi ai.