POP 5

Lajmet më të lexuara të 5 minutave të fundit

Kronikë

Lufta kundër kanabisit/ Voda: Krimi një hap para, më shumë bashkëpunim mes strukturave

Fenomeni i kanabisit nuk mbaron me Lazaratin, pasi krimi është një hap për para duke gjetur hapësira të reja. Kështu është shprehur Zëvendësministrja e Ministrisë së Brendshme Rovena Voda nga qyteti i Tepelenës gjatë një takimi me Task Forcën në luftën kundër kanabisit me drejtues të institucioneve lokale të Qarkut Gjirokastrës.

Fenomeni i kanabisit nuk mbaron me Lazaratin, pasi krimi është një hap për para duke gjetur hapësira të reja. Kështu është shprehur Zëvendësministrja e Ministrisë së Brendshme Rovena Voda nga qyteti i Tepelenës gjatë një takimi me Task Forcën në luftën kundër kanabisit me drejtues të institucioneve lokale të Qarkut Gjirokastrës. Ndër të tjera, ajo u shpreh se afati i fundit për t'i dhënë fund këtij fenomeni është data 15 qershor, në të kundërt asnjë nuk do të tolerohet.

"Krimi gjithmonë gjendet një hap përpara dhe ky fenomen për një periudhë mori hapa shqetësues. Ne jemi në pritje të përgjigjes për hapjen e negociatave dhe nuk duhet të tolerojmë në asnjë mënyrë. Ky fenomen nuk duhet të njollosë Shqipërinë. Duhet të jemi vigjilent, por edhe tepër ambicioz. Ka një datë që e ka vendosur ministri i brendshëm, data 15 qershor është data që duhet t'i japim fund kanabisit për vitin 2019, nëse pas kësaj date ende do të  kemi raste të mbjelljes së kanabisit nuk do të tolerojmë asnjë njeri", tha Voda.

Ndërkaq, Voda ju bëri thirrje drejtuesve që të bashkëpunojnë me njëri tjetrin në luftën kundër krimit pasi ka pas raste që ky bashkëpunim ka munguar.

"Sigurisht që ka ende raste sporadike pavarësisht punës së mirë që është bërë.  Por këto raste tregojnë se ende kemi dobësi në shkëmbimin e informacionit dhe koordinimin mes strukturave. Po  edhe me  përmbushjen me përpikmëri që çdo institucion duhet të përmbushë në bazë të planit. Përgjegjësia është e përbashkët nuk mund të rrijmë duarkryq nuk duhet të ketë më asnjë rast të kultivimit të kanabisit", përfundoi Voda.

Ndërsa, kryetari i bashkisë Tepelenë Tërmet Peçi dhe prefekti i Qarkut Gjirokastrës Astrit Aliaj u shprehën të vetëdijshëm për këtë fenomen që duhet luftuar në jug.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit