Lufta në Ukrainë/ Putin: Trump inteligjent, do gjejë zgjidhje! Do parandalojmë Kievin të ketë armë bërthamore! Zelensky: Kërkon të zhbëjë përpjekjet për paqe

Volodymyr Zelensky

Presidenti ukrainas Volodymyr Zelensky u ka kërkuar aleatëve që të përgjigjen "të vendosur" ndaj "shantazhit" të Rusisë pasi presidenti Vladimir Putin kërcënoi se do të godiste Kievin me një raketë të re balistike.

“Çdo shantazh nga Rusia duhet të përballet me një përgjigje të prerë”, tha Zelensky në fjalimin e tij të përditshëm të transmetuar në rrjetet sociale.

Vladimir Putin

“Rusia nuk ndërhyn në proceset e brendshme politike të Gjeorgjisë, por Perëndimi ndërhyn”. 

Këtë e tha presidenti rus Vladimir Putin në margjinat e Këshillit të Sigurisë Kolektive në Astana, Kazakistan, për rezultatin e zgjedhjeve në Gjeorgji.

"Ne nuk kemi marrëdhënie me ta, me udhëheqjen", theksoi Putin. 

Presidenti rus Vladimir Putin tha se donte t'i kërkonte falje ish-kancelares gjermane Angela Merkel për praninë e qenit të tij Connie në një takim dypalësh në Sochi në vitin 2007, raportoi agjencia ruse e lajmeve Ria Novosti.

"Nuk e dija se ajo kishte frikë nga qentë. Po ta kisha ditur, nuk do ta kisha bërë kurrë. Përkundrazi, doja të krijoja një atmosferë të relaksuar dhe të këndshme", tha Putin.

“I kërkova falje asaj dhe i thashë, 'Angela, më vjen keq, nuk e dija për këtë'. Përmes mediave i drejtohem sërish asaj dhe i them të lutem më fal, nuk doja të të bëja ndonjë dëm emocional. Përkundrazi, doja të krijoja një atmosferë të favorshme për bisedën tonë. Më falni“,- ka deklaruar Putin së fundmi, raporton Ria Novosti.

Vladimir Putin

Presidenti rus Vladimir Putin vlerësoi presidentin e sapozgjedhur të SHBA-së, Donald Trump, si një politikan "me përvojë dhe inteligjent" dhe shtoi se administrata e presidentit në detyrë, Joe Biden "po përpiqet të krijojë probleme për Trump".

Gjatë fjalës së tij në margjinat të Këshillit të Sigurisë Kolektive (CSTO) në Astana, Kazakistan, lideri rus përsëriti pikëpamjen e tij se Perëndimi është i përfshirë drejtpërdrejt në konfliktin në Ukrainë.

“Në fillim të nëntorit, zyrtarët e vendeve perëndimore njoftuan se u kishin dhënë leje forcave të armatosura të Ukrainës për të goditur territorin e Rusisë me armë me precizion të lartë të prodhimit perëndimor Përdorimi i këtyre armëve pa pjesëmarrjen e drejtpërdrejtë të personelit dhe specialistëve ushtarakë të vendeve të NATO-s në fjalë është thjesht i pamundur”,- tha Putin.

Që nga përdorimi i raketave me rreze të gjatë të Perëndimit, nga Kievi, Moska ka shtuar dhe rënduar sulmet mbi territorin ukrainas. Kremlini është zotuar për përgjigje reciproke ushtarake ndaj Ukrainës sa herë kjo e fundit do të përdorë municione nga Perëndimi.

Edhe nga Kazakistani, presindeti Putin tha se nëse Ukraina zgjeron arsenalin e saj dhe "bëhet një fuqi bërthamore, Rusia do të përgjigjet me çdo mjet të mundshëm të shkatërrimit".