POP 5

Lajmet më të lexuara të 5 minutave të fundit

Kronikë

‘Ma ka nxirë jetën duke më sharë e ofenduar’ zbardhet dëshmia e 60-vjeçarit që shtypi për vdekje bashkëfshtarin në Mirditë

Report TV mëson se kjo ka qenë dëshmia e dhënë para hetuesve e 60-vjeçarit Mhill Gega i cili mesditen e së mërkures përplasi për vdekje me automjetin e tij 68-vjeçarin, ngjarje e ndodhur në fshatin Bungaj të Mirditës

‘Ma ka nxirë jetën duke më sharë e ofenduar’ zbardhet dëshmia e 60-vjeçarit që shtypi për vdekje bashkëfshtarin në Mirditë

Foto ilustruese

"Më ka nxirë jetën, duke me sharë ofenduar e madje edhe dhunuar. Me ofendoi edhe ditën kur ndodhi ngjarja dhe në gjaknxehtësi e sipër kam marrë makinën dhe e kam goditur. Nuk desha të kryer këtë krim, por gjithçka ishte e momentit".

Report TV mëson se kjo ka qenë dëshmia e dhënë para hetuesve e 60-vjeçarit Mhill Gega i cili mesditen e së mërkures përplasi për vdekje me automjetin e tij 68-vjeçarin, Mark Gjeta, ngjarje e ndodhur në fshatin Bungaj të Mirditës.

Ndaj autorit është ngritur akuza e vrasjes më dashje. Ai po mbahet në dhomat e paraburburgimit të Komisaritit të Policisë Lezhë në pritje për tu njohur me masen e sigurisë e cila do të zhvillohet në Gjykatën e Rrethit Gjyqësor Lezhë.

Kujtojmë se ngjarja e rëndë ndodhi pak ditë më parë në fshatin Bungaj të Mirditës, ku u aksidentua për vdekje Mark Gjeta 68-vjeç nga bashkëfshatari i tij, Mhill Gega. 

Pas veprimeve hetimore ka rezultuar se aksidenti ka qenë i qëllimshëm dhe në orët e pasdites të së mërkurës është prerë fletë arresti për autorin e ngjarjes Mhill Gega 60-vjeç banues në Bungaj.

Ndaj tij është ngritur akuza e vrasjes me dashje dhe materialet janë referuar në prokurorinë e rrethit gjyqësor Lezhë. Sipas burimeve autori dhe viktima kishin patur konflikte të vazhdueshme me njëri-tjetrin prej më shumë se 1 viti dhe për këtë ka qenë në dijeni edhe policia.

Madje pak kohë më parë Mark Gjeta bashkë me djalin e tij e kishin rrahur autorin e ngjarjes në banesën e tij dhe pas kësaj situatë konflikti mes tyre kishte agravuar edhe më tej. Trupi i viktimës u gjet në rrugën e fshatit Bungaj nga banorë të zonës të cilët njoftuan menjëherë policinë në lidhje me ngjarjen.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit