Manchester United i ndërpret rrogën ikonës Sir Alex Ferguson

Kontrata shumë milionëshe e Sir Alex Ferguson me Manchester United ka përfunduar pas një vendimi nga Sir Jim Ratcliffe dhe INEOS. Ferguson, trajneri më i suksesshëm i United, u tërhoq në vitin 2013 pas 38 trofeve, por mbeti i përfshirë në klub.

I rregullt në stadium për shumicën e ndeshjeve, skocezi ka shërbyer si drejtor dhe ambasador dhe ka marrë një pagë vjetore. Sipas The Athletic, duke cituar llogaritë e vitit 2014 nën seksionin e transaksioneve të palëve të lidhura, Ferguson nënshkroi një marrëveshje për t'u bërë një ambasador global në tetor 2013.

Ai u pagua 2.5 milionë euro për shërbimet e tij si pjesë e një marrëveshjeje të gjatë. Megjithatë, tani raportohet se lidhjet janë duke u ndërprerë, me INEOS (grupi i pronarëve) që ka marrë vendimin për shkak të masave për uljen e kostove.

Ratcliffe e informoi Ferguson në një takim ballë për ballë dhe çështja thuhet se është trajtuar në mënyrë miqësore. 82-vjeçari do të mbetet një drejtor joekzekutiv dhe do të lejohet të ndjekë ndeshjet, por nuk do të marrë pagesa përtej përfundimit të sezonit aktual.

Lëvizja pason nga INEOS që i tha stafit se 250 vende pune po shkurtoheshin në korrik, udhëtimi falas për stafin për finalen e Kupës FA u anulua dhe festa e Krishtlindjeve për punonjësit duket se nuk do jetë më e njëjta.

Në një bilanc të fundit llogarish, United tha se ata presin të "realizojnë kursime vjetore të kostos prej rreth 40 milionë deri në 45 milionë paundë" pas masave të ndryshme. Ferguson, i cili drejtoi United për 26 vjet, ishte personi i parë me të cilin Ratcliffe foli në janar, kur ra dakord të blinte aksionet e Man. United.

Pronari Sir Jim Ratcliffe dhe ish-trajneri Sir Alex Ferguson

TAG:
• premier league
• Sir Alex Ferguson
• Manchester United

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë