POP 5

Lajmet më të lexuara të 5 minutave të fundit

Kosova & Rajoni

Mbytja e anijes me mbi 700 emigrantë në Greqi, trafikantët vranë 6 emigrantë me thikë! Të mbijetuarit: U trajtuam në kushte çnjerëzore

Detaje të rënda janë bërë me dije nga mediat e huaja nga tragjedia në brigjet greke ku humbën jetën 78 persona pas mbytjes së anijes në Pylos. Mediat e huaja raportojnë se në bord janë gjetur gjashtë persona të cilat thuhet se janë goditur me thikë.

GREQI- Detaje të rënda janë bërë me dije nga mediat e huaja nga tragjedia në brigjet greke  pas mbytjes së anijes në Pylos. Mediat e huaja raportojnë se në bord janë gjetur gjashtë persona të cilat thuhet se janë goditur me thikë. Pas incidentit të përgjakshëm, të mbijetuarit janë prononcuar për mediat greke.

Sipas informacioneve, nga deklarimet e personave të mbijetuar pranë autoriteteve portuale, masakra ka ndodhur para se të hynin në zonën greke të kërkim-shpëtimit, në ujërat territoriale ndërkombëtare. Megjithatë, nuk është e qartë nëse incidenti ka ndodhur mes trafikantëve dhe emigrantëve apo mes grupeve rivale të emigrantëve.

Regjistrimet tregojnë gjithashtu se anija fatkeqe e peshkimit, me bilancin 78 të vdekur dhe 104 të shpëtuar e mbi 500 të zhdukur, u prish pesë herë gjatë udhëtimit.

Sipas të njëjtave deklarata pranë autoriteteve portuale, në anije ka mbizotëruar “gjendja ushtarake”, ata janë trajtuar ashpër, ndërsa të mbijetuarit thonë se njëri prej trafikantëve ka ecur me shkop dhe ka rrahur emigrantët që protestonin për kushtet çnjerëzore. Siç thanë, edhe për pak ujë do  duhej të paguanin.

Nëntë trafikantët do të dalin para gjykates të hënën.

Theksohet se shkaqet e mbytjes së anijes do të hetohen nga një komitet i BE-së, i cili do të kërkojë të gjitha bisedat e regjistruara mes Qendrës së Përbashkët të Kërkim Shpëtimit me rojet e portit që veprojnë në vendngjarje, si dhe me anijet që lundrojnë aty.

Kujtojmë se në bord ka pasur rreth 700 persona, 104 prej tyre janë shpëtuar ndërsa 79 janë raportuar si të vdekur. Trupat e mbi 500 emigrantëve ende nuk janë gjetur.​​​​​​

G.MO/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit