'Më pyet djali i vogël kur do vish', nëna e 3 fëmijëve rrëfen mes lotësh pse përfundoi pas hekurave: Isha e vetme, gjendja ekonomike qe e vështirë

Ermira, nënë e tre fëmijëve dhe e divorcuar nga bashkëshorti ka treguar historinë e saj para kryeministrit Edi Rama dhe ministres së Drejtësisë Etilda Gjonaj. E përlotur ajo tha se është arrestuar për trafikim të lëndëve narkotike, veprim i nxitur nga gjendja e vështirë ekonomike.

"Jam Ermira, e arrestuar për trafikim ndërkombëtar të lëndëve narkotike. Dua të them që nuk jam krenare për këtë gjë, dhe më vjen shumë turp veten në radhë të parë, dhe për  tre fëmijët sepse i lashë vetëm në një kohë të vështirë. Gjendja ekonomike, sepse isha e ndarë me dy fëmijë që i rrisja vetëm pa asnjë lloj ndihme, më detyroi ta bëja disa vepra që më vjen zor nga vetja. Kam 5 vjet që vuaj dënim duke lënë 3 fëmijë vetëm që më presin dita me ditë dhe kur më pyet i vogli mama kur do vish dhe nuk di një përgjigje është diçka që nuk mundem t'jua shpjegoj me fjalë atë ndjenjë. Të jesh këtu brenda është shumë e vështirë, gjithçka mund të kalohet në jetë por kufizimin e lirisë duhet ta kalojë dikush që të arrijë ta kuptojë. Gjithçkaje mund t'i bëhet ballë, e kam kuptuar ndoshta me vonesë, por e kam kuptuar shumë mirë. Dhe mbas kësaj besoj në vetvete që asgjë nuk do më trembë t'i bëj ballës jetës kur të dalë jashtë  bashkë me fëmijët e mi dhe të jem e denjë për ta dhe të mos u vijë zor për nënën e tyre që kanë këtu brenda. Një nënë në burg do të thotë një familje e shkatërruar. Sidomos për ata fëmijë është shumë e vështirë, si mund të dalin në jetë kur nuk kanë një nënë që t'i mbledhë dhe edukojë", tha ajo mes lotësh.

TAG:
• edi rama
• etilda gjonaj

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë