POP 5

Lajmet më të lexuara të 5 minutave të fundit

'Mehmeti besoi te unë', Telushi për rikthimin te Partizani: Jemi si familje, duam titullin kampion

Rikthimi i madh i Partizani Bruno Telushi falenderon trajnerin Mehmeti që besoi te ai pavarësisht se futbollisti vjen nga një dëmtim i rëndë. Vlonjati thotë se objektivi kryesor është titulli kampion.

Dy vite pas largimit Bruno Telushi është rikthyer sërish te Partizani. Mesfushori, ose ‘ushtari’ siç e njohin të gjithë tifozët e kuq, është mjaft optimist për aventutrën e re, duke qenë se e njeh mjaft mirë klubin duke qenë se në 2019 u shpall kampion me Partizanin.

“Rikthimi ka qenë shumë i bukur. Për mua Partizani është shtëpia ime, familja ime. Më dha një mundësi shumë të mirë dhe me shumë kënaqësi erdha. Sidomos pas një periudhe të gjatë që kisha larg fushave,”-u shpreh Bruno Telushi, futbollist i Partizanit.

Sezoni që u mbyll me Egnatian nuk shkoi mirë për vlonjatin, duke qenë se për shumë muaj qëndroi jashtë fushave si pasojë e një dëmtimi të rëndë. Tani në rikthim gjen shumë shokë të rinj në skuadër, por thotë se objektivi te ‘demat’ mbetet gjithmonë i njëjtë.

“Kam gjetur një skuadër të re, me elementë të rinj. Objektivi i Partizanit dihet që është gjithmonë për të dalë kampion. Do ecim gjatë asaj rruge dhe shpresoj të na eci sa më mbarë,”-deklaroi Bruno Telushi, futbollist i Partizanit.

Te Partizani Telushi stërvitet nga Dritan Mehmeti, ish-ndihmësi i Skënder Gegës kur të kuqtë u shpallën kampion.

“E njohim shumë mirë njëri-tjetrin. Dua ta falenderoj profesorin se te ky rikthim besoi shumë tek unë. Te kjo aventurë e re te Partizani i uroi shumë suksese Tanit dhe ti shkojë sa më mbarë si në kampionat ashtu edhe në Europë,”-tha Bruno Telushi, futbollist i Partizanit.

Më 7 korrik Partizani rikthehet në fushë për një ndeshje zyrtare siç është ajo me Saburtalon në kualifikueset e Conference League, por ka shumë pikëpyetje nëse Telushi do jetë në gjendje apo jo për të kontribuar për skuadrën.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit