POP 5

Lajmet më të lexuara të 5 minutave të fundit

Receta

Mëlçi me qepë, domate dhe erëza nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Mëlçi me domate dhe erëza

Përbërësit:

  • 500 gr mëlçi
  • 5-6 domate të thara ose 1 domate
  • 4-5 thelpinj hudhër
  • 1 kokërr qepë
  • 2 filxhanë kafeje vaj ulliri
  • 200 ml verë e bardhë ose 3-4 lgj uthull
  • 1/2 tufë majdanoz
  • Pak arrë moskat
  • Pak piper i kuq
  • Kripë, piper i zi

Përgatitja:

Pastrojmë mëlçinë dhe e presim në feta të holla. E vendosim në një tas qelqi dhe e marinojmë me pak kripë, me 1 filxhan vaj ulliri, piper të zi, arrë moskat dhe verë të bardhë. E lëmë kështu 2-3 orë. Grijmë imët hudhrën dhe e skuqim së bashku me qepën e grirë. E trazojmë derisa të zbutet. Shtojmë piperin e kuq. Hedhim mëlçinë e marinuar dhe e skuqim pak. Domaten e tharë, të vendosur në ujë, për t'u njomur, e grijmë në copa të vogla dhe e përziejmë me mëlçitë. Nëse nuk kemi domate të thara, përdorim tulin e 1 domateje të kuqe. E mbulojmë me ujë, vendosim kapakun dhe e lëmë të ziejë, derisa të mbetet me pak lëng. E provojmë për kripë. Nëse dëshirojmë i hedhim pak piper djegës. Përsipër i grijmë majdanozin dhe e lëmë të pushojë pak, por me kapak të mbyllur. 

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit