Migen Memelli: Partizani u mbyll në 30 metra, vuajtëm presionin e një lojtari më shumë

Vllaznia dhe Partizani barazuan 0-0 për javën e tretë të Superligës. Në "Loro Boriçi" ndeshja ishte e luftuar, me skuadrat që ndanë pikët. Pas sfidës, trajneri i Vllaznisë, Migen Memelli tha se të tijtë vuajtën presionin e golit, duke qenë me një lojtar më shumë për 80 minuta.

"Zhvillimi i lojës nuk na shkoi ashtu siç duhet. Duhet të kishim bërë më tepër te pjesa e minutave të mbetura. Në pjesën e dytë futëm Smajlin, megjithëse ka vetëm 48 orë që ka ardhur nga ekipi kombëtar Shpresa, ku ka luajtur mbi 100 minuta. Sulmi u rrit ndjeshëm. Provuam nga krahët, sepse qendra e Partizanit ishte shumë e fortë", tha pogradecari.

Më pas Memelli foli edhe për rastet e kundërshtarit dhe presionin te të tijtë.

"Mund të kishim shënuar, ashtu siç edhe mund të kishim pësuar. Rezultati është i drejtë. Gjithmonë kemi këto vështirësi në 30 metrat e fundit kur skuadrat na mbyllen. Djemtë duhen falenderuar, sepse bënë gjithçka sot për të marrë tre pikët. Më e hapur do të ishte loja nëse Partizani do të luante me 11 lojtarë. Është e vështirë në kampionatin shqiptar kur skuadrat vendosen poshtë. Një skuadër, kur luan me një lojtar më tepër, vihet në presion, sepse duhet të fitojë patjetër. E vuajtëm presionin e epërsisë numerike", tha Memelli për mediet.

TAG:
• partizani
• Vllaznia
• tirana
• skenderbeu
• superliga shqiptare

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë