POP 5

Lajmet më të lexuara të 5 minutave të fundit

Bota

Ministrat e Brendshëm të BE-së: Rihapja e kufijve të jashtëm shtyhet për në 1 korrik

Ministrat e Brendshëm të BE-së arritën një marrëveshje të përbashkët për të rihapur kufijtë e jashtëm të BE duke filluar nga data 1 korrik.

Ministrat e Brendshëm të BE-së arritën një marrëveshje të përbashkët për të rihapur kufijtë e jashtëm të BE duke filluar nga data 1 korrik. Edhe pse dokumenti përfundimtar do të përpilohet javën e ardhshme, duket se vetëm pas kësaj date Europa e Bashkuar do të jetë e arritshme për turistët jashtë Unionit

Në prag të sezonit turistik, vendet e BE po lëviznin në mënyrë të pavaruar për të rihapur kufijtë por jo gjithmonë po bazohen në reciprocitet.

Komisionerja europiane për Punët e Brendshme të Unionit, Yllva Yohansson, deklaroi se ka ardhur momenti kur duhet të eliminojmë të gjitha kufizimet në kufijtë e brendshëm dhe kontrollet kufitare.

Por nëse çështja e kufijve të brendshëm europian është më e lehtë për tu zgjidhur, ajo e kufijve të jashtëm ishte më e ndërlikuar.

Ministrat e jashtëm francezë dhe italianë u takuan në Romë për të provuar të gjejnë një pozicion të përbashkët, një hap thelbësor për lëvizjen e lirë brenda Kontinentit të Vjetër dhe kufijtë e jashtëm.

"Kur bëhet fjalë për kufijtë e jashtëm, është mirë që të kemi të njëjtën qasje – tha Johansson - Ky është një parakusht për të patur kufij të hapur brenda Bashkimit Evropian dhe zonës Shengen.

Vendimi i fundit i Ministrave të Brendshëm të BE, vjen pas një presioni të fortë nga industria e turizmit në të gjithë Europën për të përshpejtuar rihapjen e kufijve të brendshëm e të jashtëm të BE-së, edhe pse ka rreziqe ende

Greqia, e cila nga ana e saj më parë kishte njoftuar rihapjen e kufijve me Ballkanin më 15 qershor, u detyrua të pezullojë fluturimet nga Katari pas mbërritjes së 12 pasagjerëve që u testuan pozitivisht për Covid 19.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit