Ministrja e Jashtme e Finlandës vizitë dyditore në Ballkan, takime në Shqipëri, Kosovë dhe Serbi

Ministrja e Jashtme e Finlandës, Elina Valtonen në datat 4-5 shtator, do të zhvillojë një vizitë në Kosovë, Shqipëri dhe Serbi. Lajmi është bërë me dije nga qeveria e Finlandës, ndërsa synimi i kësaj vizite është forcimi i marrëdhënieve politike dhe tregtare me vendet e Ballkanin Perëndimor.

Ministrja e Jashtme Valtonen gjatë vizitës së saj do të takohet me homologët e saj, ministrat e jashtëm të Shqipërisë, Serbisë dhe Kosovës. Po ashtu, sipas qeverisë së Finlandës, pritet të takohet edhe me krerët e qeverisë në secilin prej vendeve që do të vizitojë, përfshirë këtu edhe Shqipërinë.

Në fokus të bisedave do të jenë marrëdhëniet dypalëshe, zgjerimi i BE-së, stabilitetin dhe sigurinë e Ballkanit Perëndimor apo lufta në Ukrainë. Në Serbi, Valtonen do të takohet me përfaqësues të kompanive finlandeze që operojnë në të gjithë Ballkanin Perëndimor.

Valtonen thotë se Finlanda mbështet integrimin e vendeve të Ballkanit në BE dhe se përmes kësaj vizite do forcohet bashkëpunimi.

“Finlanda mbështet fuqishëm rrugën e vendeve të Ballkanit Perëndimor drejt anëtarësimit në BE. Mirëqenia dhe stabiliteti i rajonit është shumë i rëndësishëm për të gjithë Evropën, përfshirë Finlandën. Ne duhet të forcojmë bashkëpunimin me partnerët tanë më të afërt. BE-ja është tashmë partneri më i afërt i vendeve të Ballkanit Perëndimor. Edhe Finlanda po thellon angazhimin e saj me rajonin”, thotë ministrja Valtonen.

TAG:
• Elina Valtonen
• finlande
• kosove
• serbi
• shqiperi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë