Monumenti simbol i pavarësisë ‘New Born’ me mesazh kundër ‘copëtimit’ të Kosovës! Autori për Report Tv: Do japim lapsa për qytetarët ta firmosin

TIRANË- “No New Born”, “No New Broken Republic” (Jo Republikë e copëtuar) që i referohet Asociacionit është ky mesazhi që ka përcjellë sot monumenti në qendër të Prishtinës, në këtë ditë të shënuar, 15 vjet shtet. Autori i këtij monumenti që u inaugurua për herë të parë më 17 shkurt të vitit 2008, Fisnik Ismaili në një intervistë për Report Tv, në “Sot Live në Shqipëri” me gazetarin Nertil Agalliu është shprehur se mesazhi parë është kundërshtimi i Asociacionit të komunave me shumicë serbe duke bërë që BR të nënkuptohet dhe si "No New Bosnian Republic".

“Kemi vendosur ta protestojmë dhe ta kundërshtojmë krijimin e asociacionit të Komunave Serbe, që do e copëtonte Republikën. No new Born”, jo një republikë të re të copëtuar”. Dhe ngjyrat janë flamuri i Ukrainës. Mesazhi më i mirë, më i fortë, më aktual, ne shkruajmë konceptin, ia dorëzojmë institutin për mbrojtjen e momenteve dhe një komision e cakton, dhe më pas e zbatojmë vullnetarisht. New Born, ka mbetur jashtë politikës ditore, por mesazhet janë kanë përçuar botës”, tha Ismaili për Report Tv.

Ai ka njoftuar se njëjtë si 15 vite më parë, edhe  kësaj here do t’u japin lapsa qytetarëve që të firmosin në mënyrë simbolike mos krijimin e asosacionit.

“Do i japim lapsa dhe ta firmosin mos krijimin e asosacionit”, tha ai.

Në këto 15 vite, si ish deputet, thotë se është i zhgënjyer për Kosovën, pasi është bërë shumë pak krahasuar me çfarë duhet të bëhet. Prandaj thekson se ai monument, “New Born” me 9 ton hekur do të qëndrojë gjatë në qendër të qytetit.

TAG:
• pavaresia e kosoves
• Fisnik Ismaili
• kosove

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë