NASA: Ne nuk jemi gati për zbulimin e jetës në Mars

Jim Green, kreu i ekipit shkencor të NASA-s, ka deklaruar se misioni i radhës në Mars do të jetë më i avancuari i realizuar deri më tani.

Green mendon se nëse do të zbulohet se në Mars ka pasur dikur jetë, apo ka edhe ende forma të jetës, problemi që do të shtrohet do të jetë në Tokë, tek njerëzit.

Sipas tij, kjo do të jetë revolucionare.

 "Do të hapë rrugën e një mënyrë të re të menduari. Nuk mendoj se jemi të përgatitur për rezultate të tilla", ka thënë Green.

Sonda Mars 2020 do të lëshohet verën e ardhshme dhe ajo do të mbledhë mostra nga planeti i kuq në të cilat shpresohet të gjenden gjurmë biologjike.

Sonda amerikane do të kryejë shpime në planetin e kuq, për të kërkuar jetë poshtë sipërfaqes radioaktive të tij.

Kjo për arsye se sipas shkencëtarëve, në kushte ekstreme, jeta zhvillohet poshtë sipërfaqes.

Një ndër detyrat e tjera të Mars 2020 do të jetë testimi i prodhimit të oksigjenit në Mars dhe vëzhgimi i mundësive për krijimin e kolonive në të.

TAG:
• NASA
• jim green
• jeta ne mars
• sonda mars 2020

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë