Në ditët në vijim Parlamenti Evropian do t'i kërkojë Këshillit caktimin e datës së mbajtjes së Konferencës së Parë Ndër-Qeveritare me Shqipërinë

Parlamenti Evropian do të diskutojë në ditët në vijim dhe pritet të miratojë Raportin e përgatitur nga Raporterja për Shqipërinë në PE Isabel Santos, ku i kërkohet Këshillit caktimi i datës dhe mbajtja pa humbur kohë e Konferencës së Parë Ndër-Qeveritare me Shqipërinë.

Lajmin e ka dhënë përmes një postimi në rrjetin social facebook Kryetari i Grupit Parlamentar të Partisë Socialiste Taulant Balla.  Balla thekson se raporti rikonfirmon vlerësimin shterues të Komisionit Europian se Shqipëria nuk ka më as kushte dhe asnjë detyrë të papërmbushur.

"Parlamenti Europian do të diskutojë dhe miratojë në ditët në vijim Raportin e përgatitur nga Raporterja për Shqipërinë Isabel Santos, ku i kërkohet Këshillit caktimi i datës dhe mbajtja pa humbur kohë e Konferencës së Parë Ndër-Qeveritare me Shqipërinë, duke rikonfirmuar vlerësimin shterues të Komisionit Europian se Shqipëria nuk ka më as kushte dhe asnjë detyrë të papërmbushur. Ishte një kënaqësi si gjithmonë takimi me Presidentin Parlamentit Europian David Sassoli, një mik i shkëlqyer i Shqipërisë", ka shkruar ai. 

Taulant Balla, i cili mban edhe pozicionin e zëvendëskryetarit të Këshillit Kombëtar të Integrimit Europian, gjatë pjesëmarrjes së tij në Këshillin e Stabilizim Associmit, në Bruksel, zhvilloi takime me Kryetarin e Grupit Parlamentar të Stabilizim- Asociimit BE-Shqipëri, Manolis Kefalogiannis, Raporteren për Shqipërinë, znj. Isabel Santos dhe nënkryetarin e Grupit të Partisë Popullore Evropiane, eurodeputetin, Andrey Kovatchev.

Balla informoi eurodeputetet mbi përditësimet e fundit në përmbushjen e kushteve të vendosura për mbajtjen e Konferencës së parë Ndërqeveritare.

Lidhur me draft raportin e Parlamentit Europian, Raporterja për Shqipërinë, Santos u shpreh gjatë takimit me Ballën se ky draft është hartuar për të qenë një raport sa më transparent, i drejtë dhe racional. Raporterja theksoi se amendamentet e bëra nga grupet e ndryshme politike janë kryesisht pozitive. Gjithashtu u bë me dije se më datë 04 mars 2021, draft raporti do të paraqitet në seancën e radhës së Komitetit të Politikes se Jashtme të Parlamentit Evropian.

TAG:
• edi rama
• taulant balla
• Hapja e negociatave
• Parlamenti Evropian
• integrimi europian
• isabel santos

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë