POP 5

Lajmet më të lexuara të 5 minutave të fundit

Politikë

Në garë për Vaun e Dejës, kandidatja e PD-së Klomentina Drini për Report Tv: Njerëzve po u bëhet presion! Të ndalohen diferencimet politike ndaj qytetarëve

Kandidatja e Partisë Demokratike për Vaun e Dejës, Klomentina Drini, shpalos për Report Tv prioritetet e saj për Bashkinë. Ajo thotë se do t’i japë fund trajtimit sipas përkatësisë politike të qytetarëve, ndërsa pranon ekzistencën e presionit ndaj tyre në këtë fushatë

Kërkon të hyjë në histori, si gruaja e parë kryebashkiake në Vaun e Dejës, që mund dy forcat e mëdha të zonës, kandidatin koalicionit “Bashkë Fitojmë” Zef Hila dhe atë të socialistëve që sot kanë bashkinë, Kristian Shkrelin.

Në një intervistë për Report TV ajo ka rrëfyer ecurinë e fushatës elektorale, por mbi të gjitha objektivat e programit të saj elektoral, prej të cilit premton një trajtim të barabartë dhe jo sipas përkatësisë politike të qytetarëve.

‘Transparenca, të përgjigjemi për çdo gjë, çdo shqetësim që kanë qytetarët, infrastrukturë, nuk kemi një çerdhe me drekë e me fjetje, prindërit i dërgojnë në Shkodër, por duhet ta ndërtojmë këtu. Diferencimet politike do të ndalohen. Nuk do të ketë punësime për fryrje administrate. Për pjesën e transportit publik, po ashtu kam menduar, se nuk kemi një transport publik që të funksionojë tamam në bashkinë tonë.’- tha Klomentina Drini.

Forcën thotë se e merr tek mbështetja e grave dhe vajzave, por edhe frymën e rinisë, të cilët i fton ti bashkohen fitores së saj me 14 Maj, por nuk mohon presionet.

‘Banorët janë të surprizuar për kandidimin tim, si është e mundur që ti ke marrë guximin, por janë edhe të presionuar dhe me frikë.  Gratë dhe rinia më hapin derën dhe më thonë eja shiko ku kemi vendosur fletëpalosjen tënde.”- u shpreh Drini.

Klomentina Drini, është në këtë garë e vetme, përballë të mëdhenjve të politikës, pa mbështetjen e PD zyrtare, por as të palës tjetër të demokratëve që kanë deklaruar se do të mbështesin Zef Hilën. Në Vaun e Dejës, PD ka tërhequr edhe listën e Këshillave Bashkiakë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit