POP 5

Lajmet më të lexuara të 5 minutave të fundit

Politikë

Në përvjetorin e 30-të të PS, të shtunën Rama mbledh Kongresin në 'Air Albania' e rizgjedh strukturat! Zbardhen detaje

Kjo është kosideruar java e zhvillimeve të "nxehta" të politkës për 2021. Të shtunën më 12 qershor mblidhet kongresi i PS në "Air Albania", në të njëjtën ditë me përvjetorin e 30-të të Partisë Socialiste.

Në përvjetorin e 30-të të PS, të shtunën Rama mbledh Kongresin në 'Air Albania' e rizgjedh strukturat! Zbardhen detaje

Kryeministri Edi Rama

Kjo është kosideruar java e zhvillimeve të "nxehta" të politkës për 2021. Të shtunën më 12 qershor mblidhet kongresi i PS në "Air Albania", në të njëjtën ditë me përvjetorin e 30-të të Partisë Socialiste.

Burime për gazetarin e Report Tv Ermal Qori bëjnë me dije se Kongresi do të fillojë në orën 18:00 dhe gjithçka do të zhvillohet në zbatim të masave kundër koronavirusit. Hapja do të bëhet me një video dokumentar për rrugëtimin e PS nga '91 e deri më sot.

PS do të paraqesë vizionin për Shqipërinë 2030 dhe angazhimet kryesore të programit qeverisës. Një analizë do ti bëhet dhe rezultatit të 25 prillit, pasi ndonëse PS ka fituar mandatin e 3 duke hyrë në histori, jo të gjitha strukturat kanë arritur rezultatin e parashikuar. Në fokus do të jetë edhe rizgjedhja e strukturave, hapja e partisë dhe anëtarësimet e reja.

Kreu i Grupit Parlamentar të PS-së, Taulant Balla, në fjalën e tij në Asamble u shpreh se në Kongresin e Jashtëzakonshëm do të paraqitet vizioni "Shqipëria" 2030 si dhe angazhimet kryesore të programit qeverisës të PS për mandatin e tretë, duke shtuar se PS do të fillojë fushatën më të madhe të hapjes ndonjëherë. Deri më tani gjithçka duket gati dhe e mirëorganizuar për të shtunën e 12 qershorit.

Kongresi vjen pasi sot parlamenti votoi pro raportit të komisionit hetimor për shkarkimin e presidentit Ilir Meta. Ndërkaq edhe të dielën pritet të jetë një ditë e rëndësishme, pasi janë zgjedhjet për kryetarin e ri të PD, ku Lulzim Basha do të jetë përballë Fatbardh Kadillit, Agron Shehajt dhe Edith Harxhit. Janë demokratët ata që duhet të vendosin nëse do të rikonfirmojnë Bashën në krye të partisë apo do të zgjedhin drejtuesi të ri.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 10/06/2021 11:39

    Kongresi i PS dhe 30 vjetori i saj si firca me e nadhe politike dhe progresive jane ngjarje e madhe ,por zhvillmi i tij ne Air Albania me duket i hiperbolizuar

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit