POP 5

Lajmet më të lexuara të 5 minutave të fundit

Politikë

'Nga dje jemi në fushatë' Çuçi mbledh grupin PS, lë porositë: Dilni në terren! Amnistia penale javën tjetër në Kuvend, pa datë pr/ligji për bastet

Një ditë pas Asamblesë së Partisë Socialiste, ku kresocialist Edi Rama kërkoi riorganizim për fitoren e zgjedhjeve të 2025, kreu i grupit parlamentar Bledi Çuçi mblodhi deputetët. Duke e quajtur nisje të fushatës Asamblenë, Çuçi kërkoi më shumë angazhim në terren.

Pa kaluar 24 orë nga mbledhja e Asamblesë Kombëtare të Partisë Socialiste, nga ku kryeministri Edi Rama kërkoi angazhim maksimal për të fituar mandatin e katërt, Bledi Çuçi mblodhi deputetët e majtë.

Kërkesën për ta kreu i grupit parlamentar socialist, e pati specifike këtë herë: të dalin sa më shumë në terren, pasi fushata tashmë ka nisur.

“Duhet një prezencë e shtuar fizike në terren sipas zonave tuaja. Konsiderojeni këtë si një periudhë fushate duke nisur që nga dje. Është shumë e rëndësishme që procesin zgjedhor brenda partisë ta ndjekim personalisht. Ka nevojë për ritëm të shtuar për të kapur afatet” u shpreh Çuçi. 

 Me këtë objektiv përpara, në plan të dytë të diskutimeve ishte axhenda parlamentare, e cila edhe këtë javë në rend të ditës do të shmangë ligjet që kërkojnë edhe votat e opozitës. Amnistia Penale pritet të kalojë javën e ardhshme, ndërsa edhe pse nuk i duhet vota, PS ka ende një datë për ligjin e basteve, të shtyrë të enjten e kaluar.

Asambleja e PS e mbajtur një ditë më parë kaloi në skaner analizën e detajuar të punës së bërë në 12 qarqet e vendit, bashki më bashki nga strukturat e PS. Në përfundim të saj, Rama nuk shpalosi vetëm objektivin për një fitore shembullore, sic e quajti ai, por iu përgjigj për herë të parë edhe akuzave nga arratia të Arben Ahmetajt. 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Patronazhisti: 12/02/2024 11:39

    Ne terren jemi pa merak.do ta bejme Shqiperin me te lumtur me Partin dhe Edin ne Krye

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit