Nis gjyqi i dytë për fajësimin e Trump, akuzohet se nxiti trazirat e dhunshme në kongresin amerikan

Nis gjyqi i Senatit për fajësimin e ish-Presidentit Donald Trump. Gjyqi i cili filloi në orën 13:00, në orën lokale do të ketë deklarata dhe debate të hapura midis menaxherëve të Dhomës Përfaqësuesve dhe avokatëve mbrojtës të Trump, ku diskutimi pritet të zgjasë për rreth 4 orë në total.

Senati më pas do të votojë me shumicë të thjeshtë nëse gjyqi është kushtetues, i cili u pohua 55 pro-45 kundër në një votim të ngjashëm muajin e kaluar. Nëse shumica e Senatit thotë se gjyqi është antikushtetues, gjë që nuk pritet të jetë rasti, atëherë gjyqi i fajësimit do të pushohet menjëherë.

Zyrtarët demokratë kanë nxitur mbajtjen e gjyqit edhe pse shumë republikanë i kanë quajtur përpjekjet e tyre jokushtetuese tani që Trump ka lënë detyrën. Trump nuk e njohu rezultatin e zgjedhjeve të 3 Nëntorit 2020, duke pretenduar se zgjedhjet u manipuluan në favor të rivalit demokrat. Megjithatë, avokatët e tij nuk paraqitën fakte bindëse për manipulimin, çka bën që gjykatat të refuzonin nisjen e proceseve penale.

Trump i ka hedhur poshtë akuzat dhe ka refuzuar thirrjen për të dëshmuar para Senatit. Por demokratët thonë se do të paraqesin fakte bindëse që e inkriminojnë ish-presidentin. Nëse shpallet fajtor Donald Trump-it i hiqet e drejta të kandidojë për një mandat të dytë presidencial, ose të zgjidhet në poste publike si dhe i hiqen privilegjet si ish-president.

TAG:
• SHBA
• Trump
• Fajësimi i Trump

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë