POP 5

Lajmet më të lexuara të 5 minutave të fundit

Sport

Nis në 'Old Traford', sonte ngre siparin Premier League me United-Fulham! Në Francë zbret në fushë Paris SG

Manchester United i përforcuar gjatë verës do nisë sonte sezonin e ri të Premier League, teksa pret në Old Traford Fulhamin. Njëjtë si kampionati anglez, po sonte nis edhe Ligue 1 me ndeshjen Le Havre-Paris SG.

Nis në 'Old Traford', sonte ngre siparin Premier League me United-Fulham! Në Francë zbret në fushë Paris SG

United-Fulham në sezonin e kaluar

Për shumë kampionati më spektakolar dhe i fortë në botë, Premier League, do ngrejë sonte në orën 21 siparin e edicionit të ri, teksa në Old Traford Manchester United do të presë Fulhamin, për ti dhënë jetë sezonit të 33 me këtë emër dhe i 126 si kampionati elitar në Angli.

‘Djajtë’ vijnë pas një vere me shumë ndryshime ku larguan të gjithë stafin e Ten Hag, por jo trajnerin, ndërsa është bashkuar një ndihmës si Rud Van Nisteroy nga i cili të gjithë kanë krijuar pritshmëri. United ka operuar edhe në merkato duke afruar lojtarë si Zirzke, Mazroi dhe de Ligt, por pa harruar edhe talentin Yoro i cili gjithsesi është i dëmtuar. Të gjithë këto detaje do jenë ta parëndësishme nëse Manchester United nuk e nis me një fitore sezonin e ri, në një kohë që do luajë në Old Traford. ‘Djajtë’ janë më të titulluarit në ishull me 20 kampionate, por duhet ti japin fund hegjemonisë së rivalëve të Cityt që sezonin e fundit fituan Premier League për të katërtin edicion me radhë. Të besuarit e Guardiolës do debutojnë të dielën në Londër kundër Chelsea-s, që do jetë edhe përballja më interesante e javës së parë.

Po sonte, por në orën 20:45, nis sezoni i ri edhe i kampionatit francez që njihet si Ligue 1, teksa kampionët në fuqi të Paris SG luajnë në transfertën e Le Havres. Kryeqytetasit janë favoritë jo vetëm për këtë ndeshje, por edhe për të fituar kampionatin, teksa vetëm Olimpic Marseille ka bërë një merkato interesante dhe shihet si rivali i tyre.

Ndërkohë të enjten nisi sezoni i ri i La Ligas teksa që në përballjen e parë pati befasi. Atletic Bilbao nuk shkoi më shumë se barazimi 1-1 kundër Getafes, ndërsa më pas Betis barazoi me të njëjtin rezultat kundër Gironas, skuadrës që bëri befasinë sezonin e kaluar, duke u kualifikuar në Champions.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit