POP 5

Lajmet më të lexuara të 5 minutave të fundit

Sociale

Frymëzuese/ Njihuni me 70 vjeçarin tornitor në Bulqizë që nuk e ndal punën: E kam pasion! Do ta vazhdoj sepse e bëj me qejf

Pasioni për zanatin e shtyn Suri Kurtin nga fshati Zerqan i Bulqizës që të vazhdojë të punojë edhe pse është në moshën 70 vjeç. Edhe pse të të ardhurat nuk janë të larta, ai thotë se nuk ka ndërmend që të shkëputet nga puna.

Suri Kurti është 70-vjeç dhe mosha nuk e ndal të vazhdojë të punojë si tornitor, një profesion gjithnjë e më i rrallë në Shqipëri.

E nisi këtë profesion para 45 vitesh, e që atëherë ka punuar çdo ditë. Duhej të shijonte frytet e punës në disa dekada si pensionist por pasioni për zanatin e shtyn që çdo mëngjes të ngrihet herët për të shkuar në ofiçinë.  

Fitimet nuk janë të larta, i duhet të sfidojë të ftohtin dhe të udhëtoje për më shumë se 25 minuta me furgonat e linjës, nga fshati Zerqan drejt Bulqizës për në vendin e punës.

"Është një punë shumë e mirë. Është një profesion që të tërheq, vjen me qejf në punë. E vetmja vështirësi është se kjo punë të do të rrish në këmbë. Nga ana monerate nuk ka ndonjë leverdi, nuk është kushedi çfarë por që të tërheq, vjen në punë me qejf. Vij në orën 8 mëngjesit në punë dhe punoj deri në orën 3, kam ndjek rregullin e asaj kohe."

Pajisjet që ai riparon më së shumti përdoren në minierë, por nuk përjashtohen edhe tornot e makinerive bujqësore apo atyre të rënda.

"Nuk ka material, nuk ka lëndë të parë, ka pak. Por unë i kam gjetur rrugët dhe e kam siguruar lendën e parë".

"Zakonisht bëjmë për miniere, bëjmë pjesë për makina riparime me shumë. "

I vetmi peng i 70 vjeçarit sot është që këtë zanat nuk ka mundur ta trashëgojë tek i biri, i cili ka ndjekur një drejtim tjetër.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kuq e zi: 02/01/2024 14:41

    KU E BLEHU TORNON KY? E KA "BLERE" NE 1997???

    Përgjigju
  • Liku: 02/01/2024 01:18

    Ka te shikojme kur t'i taksohen fitimet nga ligji i ri.

    Përgjigju
    • Çfarë: 02/01/2024 08:16

      Ligji parashikon të taksojë dhe humbjet.

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit