Nuk deklaroi shumën 13 mijë euro në Kakavijë, vihet në hetim 27-vjeçari

Një 27-vjeçar është vënë nën hetim nga policia në pikën kufitarë të Kakavijës, pasi nuk deklaroi një shumë prej 13 mijë eurosh. Bëhet fjalë për shtetasin me inicialet F. A, të cilit i janë sekuestruar 13 100 euro. Sipas njoftimit të policisë, 27-vjeçari ishte drejtuesi i një autobusi i linjës Athinë-Tiranë dhe shumën e parave e kishte fshehur në sediljen e drejtuesit.

Njoftimi i Policisë:

Sekuestrohen 13 100 euro, procedohet në gjendje të lirë 27-vjeçari që nuk i deklaroi në kufi, sipas përcaktimeve ligjore.

Bazuar në analizën e riskut, në dalje të RSH-së, shërbimet e Policisë Kufitare, gjatë kontrollit të ushtruar në autobusin e linjës Athinë-Tiranë, në sediljen e drejtuesit, shtetasit F. A., gjetën 13 100 euro, të cilat u sekuestruan në cilësinë e provës materiale. 27-vjeçari nuk e kishte deklaruar këtë shumë parash, sipas përcaktimeve ligjore në fuqi.   

Në përfundim të veprimeve hetimore, specialistët e Seksionit për Hetimin e Krimeve Ekonomike dhe Financiare të DVP Gjirokastër referuan materialet në Prokurori dhe nisi procedimi penal në gjendje të lirë për shtetasin F. A., 27 vjeç, banues në Tiranë, për veprat penale "Mosdeklarimi në kufi i të hollave dhe i sendeve me vlerë" dhe "Pastrimi i produkteve të veprës penale ose veprimtarisë kriminale". Materialet i kaluan Prokurorisë, për veprime të mëtejshme.

TAG:
• kakavije
• deklarimi i ardhurave

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë