OKB-ja fton për të diskutuar rreth Sirisë SHBA-në dhe 6 aleatë të tjerë

Organizata e Kombeve të Bashkuara deklaroi sot se i dërguari i saj për Sirinë, Staffan De Mistura ka ftuar për të biseduar mbi çështjen siriane Shtetet e Bashkuara të Amerikës dhe 6 aleatë të tjerë.

Mirëpo, planifikimi i takimit ku do të marrin pjesë SHBA-të, Gjermania, Britania, Arabia Saudite, Jordania, Franca dhe Egjipti, pritet të mbahet në Gjenevë të Zvicrës, më datë 14 shtator.

Bëhet e ditur se ky takim do të zhvillohet vetëm dy ditë pasi De Mistura të takohet me përfaqësues të Rusisë, Turqisë dhe Iranit, më datat 11-12 Shtator, ku do të bisedohet gjithashtu për Sirinë dhe mundësinë e zgjidhjes përfundimtare të konfliktit atje.

Gjithashtu OKB-ja ka shtyrë afatin për të hartuar një kushtetutë të re për Sirinë dhe ka ngarkuar pikërisht De Misturën për të formuar një komitet të shtetasve sirianë për të hartuar kushtetutën e re, menjëherë pas marrjes së nominimeve nga qeveria siriane dhe opozita.

TAG:
• SHBA
• OKB
• Staffan De Mistura

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë