Pa forcat RENEA dhe hodhi çantën nga dritarja e lokalit, policia prangos 27-vjeçarin në Fier, kapet me pistoletë me dy karikatorë

Pas një operacioni të befasishëm të forcave RENEA mbrëmjen e kaluar në Fier për kapjen e personave në kërkim, atyre që mbajnë armë zjarri dhe lëndë narkotike, është vënë në pranga një 27-vjeçar.

Indrit Hoxhaj (Kuçi), me precedent kriminal në fushën e krimeve kundër jetës, drogës e armëmbajtjes pa leje, është arrestuar në ambientet e një lokali në 'Fermë Çlirim'.

27-vjeçari sapo ka parë forcat RENEA ka hedhur nga dritarja e lokalit çantën e dorës brenda së cilës mbante një armë zjarri pistoletë. Gjatë këqyrjes së çantës, shërbimet e Policisë gjetën në brendësi të saj armën e zjarrit pistoletë me dy karikatorë me fishekë luftarakë dhe kartën e identitetit të 27-vjeçarit.      

Në përfundim të veprimeve u bë arrestimi në flagrancë i 27-vjeçarit I. H. (K)., për veprën penale "Armëmbajtja pa leje"  dhe materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.

Nga kontrollet e ushtruara mbrëmjen e djeshme në Shkodër e Fier, janë kontrolluar 18 lokale, dhe 21 ambiente të ndryshme. Janë shoqeruar per verifikim në Shkodër e Fier, 23 persona te identifikuar si persona me precedent kriminal apo me tendencë kriminale në fushën e narotikëve e armëmbajtjes pa leje.

TAG:
• Fier
• Renea
• indrit hoxhaj

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë