POP 5

Lajmet më të lexuara të 5 minutave të fundit

Sociale

Librazhdi prezanton resurset natyrore, Parku Kombëtar i Shebenikut destinacioni kryesor për turizmin e aventurës

Bashkia e Librazhdit po synon të terheqë turistë të huaj, duke dalë për herë të parë me një guidë turiste. Parku Kombëtar i Shebenikut është destinacioni kryesor ku mund të zhvillohet më tej turizmi i aventurës.

Afro 100 km nga Tirana ndodhet Parku Kombëtar Shebenik-Jabllanicë në zonën e Librazhdit, një vendet që ka tërhequr vëmendjen e turistëve vitet e fundit. Është një mundësi shumë e mirë për eksploruesit e natyres dhe sportet ekstreme si rally, alpinizëm e ski. Me këtë moto, Bashkia e Librazhdit për herë të parë organizoi një aktivitet promovues për turizmin malor.

Kryebashkiaku Mariglen Disha tha se përpos Parku Kombëtar të Shebenikut vizitorët do orientohen edhe drejt destinacioneve të tjera  si monumente të natyrës dhe site të trashëgimisë kulturore.

“Turistët mund të zgjedhin për të vizituar destinacione të tilla si Rruga Egnatia , një nga 12 rrugët më të famshme të kohës antike. Përgjatë luginës së Shkumbinit ku ka gjurmë të freskëta të saj në segmente me gjatësi jo të vogla.

Po kështu përveç Rrugës Egnatia dhe Parkut Kombëtar të Shebenikut janë destinacione po kaq të  famshme edhe Kisha Eremite e Kosharishtit,  Shpella e Akullit në Letëm, Liqenet Akullnajore të Shebenikut, Ura e Kamares në Mirakë, Ura e Gurit në Polis, Shpella e Plakës në Gizavesh, Qyteza ,Guri i Bletës e Guri i Sukllit në Xhyrë o plot të tjera monumente kulture, monumente historike e monumente natyre”, shprehet Disha.

Librazhdi vlerësohet gjithashtu edhe për shumëllojshmërinë e bimësisë, luleve e pyjeve  dhe cilësohet nga të huajt si një miniparajsë e gjelbërimit dhe burimeve ujore.

Mungojnë strukturat hotelerie por duhet theskuar se nëpër fshatra ka nisur ndërtimi i bujtinave si në Hotolisht, Polis e Fushë Studën, të cilat gjithnjë e më shumë po prenotohen nga vendas dhe turistë të huaj.

R.D/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 17/04/2024 00:25

    Shume mire,por duhet te shtosh ne liste fushen e Domosdoves ku eshte bere nje nga betejat e famshme kunder turqve,Sofren e Skenderbeut,ura e Bushtrices edhe pse moderne,eshte e famshme per lartesine e saj,Shkumbini mund te behet terheqes me kajake dhe barka turistike te lehta dhe te mos harrojme minierat,pse jo dhe turizem industrial.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit