POP 5

Lajmet më të lexuara të 5 minutave të fundit

Kronikë

Pas konvikteve të Inxhinierisë, Rama inspekton punimet e godinave të Qytetit Studenti (VIDEO)

Kryeminsitri Edi Rama tha nga Qyteti Studenti se synohet që deri në fund të mandatit të gjitha konviktet në vend të jenë transformuar dhe të ofrojnë kushte optimale për studentët.  

Pas inspektimeve të konvikteve të Inxhinierisë së Ndërtimit (Lexo këtu), kryeministri Edi Rama ka inspektuar Qytetin Studenti ku kanë nisur punimet për rikonstruksionin e godinave të para. Investimet për kushte më të mirë në konvikte është një nga tetë kërkesat e studentëve të cilët protestuan për 17 ditë me radhë përpara Ministrisë së Arsimit dhe Kryeministrisë.  

"Në Qytetin Studenti, ku edhe aty është ngritur kantieri i parë i konvikteve, falë një projekti me Agjencinë turke për Bashkëpunim dhe Koordinim (TIKA) dhe me fonde të buxhetit të shtetit shumë shpejt do të krijohen kushtet optimale akomoduese për studentët. Atyre që e kanë shkruar pikën 1 të 8 kërkesave të studentëve, u them se plani ynë për përmirësimin e kushteve në konvikte, ka nisur të zbatohet kohë më parë. Por, nga ana tjetër, kjo pikë e artikuluar së fundmi, si një kërkesë e studentëve, është një shtysë e nevojshme për të ecur më shpejt", shkruan kreu i qeverisë në Facebook.

Rama tha se synohet që deri në fund të mandatit qeverisës, Qyteti Studenti por edhe të gjitha konviktet në vend, të jenë transformuar dhe të ofrojnë kushte dhe standarde optimale për studentët. 

"Me aktin normativ i kemi kaluar Bashkisë së Tiranës 3 mln dollarë për të vazhduar me konviktet. Ambicia është që brenda mandatit të gjitha konvitet e Tiranës dhe të gjithë Shqipërisë të vijnë në standarde optimale, me kushte optimale, duke pasur parasysh që janë godina ekzistuese. Do të vijojmë paralelisht me Bashkinë e Tiranës projektin për kampusin universitar që sidoqoftë është një proiblem më vete sa i takon pronësisë. Dhe kjo është arsyeja pse kampusi nuk është nisur dot sepse kemi një situatë shumë të rëndë me pronat, me privatizimet e bëra, me llotot e klubet, pra një katastrofë. E rëndësishme është që jemi shumë të qartë se çfarë do të bëjmë", theksoi kryeministri. 

Rama kërkoi ndërprerjen e procesit të legalizimit për objektet e ndërtuara pa leje brenda territorit të Qytetit Studenti. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit