PD: PE miratoi 15 kushtet për Shqipërinë, Rama: S'është e vërtetë, do mbeteni në opozitë! 7X7 s'bëjnë 42 në asnjë vend të botës

Partia Demokratike thotë se Parlamenti Evropian ka miratuar mbrëmjen e djeshme amendamentin e Grupit të Partive Popullore Europiane me tekst: "Parlamenti Europian thekson 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet anëtare"

Sipas PD-së, ky amendament është votuar me 388 vota pro, 280 vota kundër dhe 19 abstenime ishte në parim ndërsa sot rreth orës 19:00 pritet të miratohet në tërësi.

15 kushtet u vendosën nga Këshilli Europian (shtetet anëtare) me propozimin e Gjermanisë, Francës, Hollandës, Danimarkës e Spanjës në mars të këtij viti.

Por, për këtë ka reaguar edhe kryeministri Edi Rama, i cili në një postim në twitter thotë se për tu ulur në tryezë me Bashkimin Evropian nuk nevojiten 15 kushte. Duke ironizuar opozitën jashtë parlamentare, Rama thotë se kush kapet pas 15 kushteve do të mbeten në opozitë.

"Po mirë, kur paska 15 kushte për nisjen formale të negociatave për anëtarësim, për çfarë duhej kjo rezoluta e partive aleate të PD në Parlamentin Europian që u votua pa konsensus? E pra, nuk ka 15 kushte për uljen në tryezë me BE, sepse 7X7 s'bëjnë 42 në asnjë vend të botës!  Dhe nëse pastaj kjo 15-ta duhet për politikë e prandaj bashkohen kushtet e fillimit me ato të vijimit, atëherë nuk janë 15 po janë 15X100 kushte më shumë për t'u plotësuar deri ditën e anëtarësimit! Po një gjë është e sigurtë: Këta që kapen pas kësaj 15-ës do mbeten në opozitë", shkruan Rama në twitter.

TAG:
• edi rama
• PD
• Hapja e negociatave
• Parlamenti Evropian

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë