POP 5

Lajmet më të lexuara të 5 minutave të fundit

Sport

VIDEO/ Për çfarë duhen dy skuadra? Daku dhe Muja emocionojnë pas ftesës në Kombëtare: Nëna ime ishte më e lumtura kur e njoftova

Kombëtarja shqiptare e futbollit luan dy ndeshje të rëndësishme për grupin E kualifikues të Euro 2024. Më 7 shtator kuqezinjtë përballen në Pragë kundër Çekisë në 20:45, teksa data 10 i gjen "shqiponjat" e Sylvinhos në Tiranë, aty ku presin Poloninë po në 20:45.

Kombëtarja shqiptare e futbollit luan dy ndeshje të rëndësishme për grupin E kualifikues të Euro 2024. Më 7 shtator kuqezinjtë përballen në Pragë kundër Çekisë në 20:45, teksa data 10 i gjen "shqiponjat" e Sylvinhos në Tiranë, aty ku presin Poloninë po në 20:45.

Këtë të mërkurë djemtë tanë do lënë Shqipërinë dhe do udhëtojnë drejt Pragës, ndërsa për kanalet e komunikimit të FSHF-së folën dy risitë e këtij grumbullimi, Arbnor Muja dhe Mirlind Daku.

Dyshja shprehet e emocionuar që kanë një fanellë kuqezi veshur, teksa kujtojmë se ata më parë ishin pjesë e Kosovës, por pa mundur të luajnë me ekipin A të Dardanëve, duke vendosur që t'i bashkohen Shqipërisë.

Futbollisti i Rubin Kazan në Rusi, Mirlind Daku ka thënë se gjithçka po shkon mirë, përtej peripecive për të marrë dritën jeshile për të luajtur me Kombëtaren.

"Ndihem shumë mirë, kemi pasur këto problemet për të marrë 'dritën e gjelbër' për të përfaqësuar Kombëtaren. Po falë Zotit u krye dhe tepër mirë jam në këto ditët e para. Gjithçka është shumë mirë", tha Daku.

Nga ana tjetër, Arbnor Muja i Antwerp ka thënë se kjo është një ndjenjë fenomenale për të qenë si kuqezi. Më tej mesfushori-sulmues tha se nëna e tij ishte më e lumtura kur mori vesh ftesën për në Kombëtare.

"Jam mirë, njësoj edhe unë. Një ndjenjë fenomenale për të ardhur këtu, për t'u takuar me djemtë, për të njohur stafin. Reagimi pas ftesës? Më së pari telefonova familjen, krenari e madhe për ta edhe për mua. Nëna ime ka qenë më e lumtura kur e mori vesh", tregoi Arbnor Muja.

Për grupin E kualifikues të Euro 2024, Çekia me shtatë pikë mban vendin e parë pas tre ndeshjeve, ndjekur nga Shqipëria me gjashtë pikë dhe Moldavia me pesë pikë (një ndeshje më shumë). Polonia mban vendin e katërt me tre pikë dhe Ishujt Faroe në fund me një pikë.

 

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit