POP 5

Lajmet më të lexuara të 5 minutave të fundit

Kronikë

Përplasja me armë për një vajzë në Shijak, arrestohet “ish-i” përndjekës! Në kërkim shpallen 2 të tjerë

Policia e Durrësit arrestoi njërin prej vëllezërve Domi, i përfshirë në konfliktin me armë zjarri në Shijak ku mbeti i plagosur aksidentalisht, Enidor Dedja, mesditën e së premtes, 22 mars.

SHIJAK- Lidhja 4-vjeçare me një vajzë e Albano Domit, e cila ishte mbyllur rreth një muaj më parë, u bë shkak për konfliktin me shkrehje armësh të premten, (22 mars 2024) në Shijak, ku nga shkëmbimi i të shtënave mbeti i plagosur një i rastësishëm, Enidor Dedja.

Domi, edhe pse ishte ndarë nga ish e dashura, sërish vijonte nga ngacmonte. Burime pranë bluve i thanë Report Tv se rreth një javë para konfliktit të armatosur Albano Domi shkoi në Tiranë dhe ngacmoi vajzën dhe kjo e fundit të gjithën mësohet se ia ka rrëfyer të motrës.

E motra, e cila bashkëjeton me një djalë tjetër, Xhejms Palodhin, ia ka treguar këtij të fundit se ish i dashuri vijonte t’i ngacmonte motrën. Një ditë para të shtënave në Shijak, Palodhi dhe Domi u takuan në Durrës dhe nga debati që i kërkonte të mos i ngacmonte më kunatën, të dy përfunduan duke u rrahur me njëri-tjetrin.

Albano Domi mësohet se dëmet e shkaktuara nga përplasja fizike me 33-vjeçarin Xhejms Palodhi i justifikoi para policisë sikur kishte rënë nga shkallët. Ditën e konfliktit, Palodhi mori me vete mikun e tij Arbër Hoxha dhe shkuan në Shijak me pretendimin për t’u sqaruar me Domin dhe sapo kanë hyrë në dyqanin e tij ka nisur përleshje mes të treve, e cila ka vijuar me nxjerrjen e armës nga Arbër Hoxha, një plumb prej të cilit preku Enidor Dedjan, pa asnjë lidhje me konfliktin.

Në këtë rrëmujë plumbash, Albano Domi ka nxjerr pistoletën dhe u është kundërpërgjigjur agresorëve, por plumbat e armës së tij, për fat të mirë, nuk dëmtuan njeri.

Hetuesit e Sektorit të Krimeve të Rënda në Durrës arrestuan një ditë pas ngjarjes 27-vjeçarin Domi, nën akuzë për kanosje dhe armëmbajtje pa leje, pasi iu gjet në shtëpi edhe pistoleta që qëlloi në konflikt, ndërsa në kërkim u shpallën Xhejms Palodhi dhe Arbër Hoxha, pala tjetër, nën akuzë për vrasje me dashje e mbetur në tentativë dhe armëmbajtje pa leje.

*Raportuan për Shiptarja.com gazetarët Aldo Mustafa dhe Sokol Dema

Foto: Pistoleta e sekuestruar

S.G/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit