POP 5

Lajmet më të lexuara të 5 minutave të fundit

Receta

Pite me salcë kosi dhe kërnacka nga zonja Albana

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00. 

Pite me salcë kosi dhe kërnacka

Përbërësit:

Për piten:

  • 160 ml qumësht
  • 80 ml ujë
  • 320 gr miell
  • 2 ls vaj ulliri
  • 2 lç maja e thatë
  • 1 lç kripë
  • 1 ls vaj vegjetal
  • Kripë

Për salcën:

  • 250 gr salcë kosi
  • 1 kastravec
  • 3 thelpinj hudhër
  • 1 ls lëng limoni
  • 1 ls uthull e bardhë
  • Kripë, piper i kuq i ëmbël
  • Qepë e thatë
  • Kërnacka FIX

Përgatitja:

Në një tas shtojmë qumështin dhe ujin e vakët, vajin e ullirit, majanë e thatë, kripën, dhe i lëmë të aktivizohen për 5 minuta, shtojmë miellin dhe zëmë brumin. Brumin e lëmë të vijë pak të qetësohet për gjysëm ore, dhe e lëmë të qetësohet me një qese membranë.

Brumin e presim në kuleçë të vegjël e hapim sa masa e pëllëmbës dhe e skuqim në pak vaj.

Për salcën e pites, shtojmë salcën e kosit një kastravec të grirë në rende dhe e shtrydhim që t’i heqim lëngun e tepërt. Shtojmë thelpitë e hudhrës që kemi grirë, uthullën e bardhë, lëngun e limonit duke rregulluar shijen me kripë dhe piper të kuq të ëmbël.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit