Pite me spinaq nga amvisa e Kosovës

Pite e kosovës me spinaq

Përbërësit:

• 4 fç miell
• 1 e ½ fç ujë i vakët
• ½ ls kripë
• 1 ls vaj
• ½ ls uthull
• 1 tufë spinaq
• 1 tufë qepë të njoma
• 1 gotë kos
• 2 lgj mazë (ajkë kosi)
• 2 vezë
• Kripë

Përgatitja:

Fillimisht zemë brumin me miell, ujë të vakët, kripë, pak vaj dhe uthull. E lemë brumin të pushojë për rreth 30 minuta dhe më pas e ndajmë në kuleçë të vegjël. Kuleçët më pas i hapim në rrethore (me diametër të vogjël), të cilat i vendosim njëra mbi tjetrën duke i lyer më pak yndyrë. Hapim një petë të madhe me 5-6 kuleçë dhe e shtrojmë në një tavë.

Të gjithë përbërësit e mbushjes i trazojmë mirë në një tas; spinaqin e grirë mesatarisht, qepët e njoma të grira shumë imët, vezët, kosin, mazën dhe kripën. E vendosim mbushjen në tavë dhe më pas vendosim petën tjetër të cilën e hapim njësoj si peta e parë me kuleçë. E vendosim byrekun të piqet në furrë të parangrohur në temperaturën 180 gradë Celsius për rreth 30 minuta.

TAG:
• zonjaalbana
• recete
• pite

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë