POP 5

Lajmet më të lexuara të 5 minutave të fundit

Kronikë

Plagosi fqinjin, Gjykata e Lezhës dënon me 12 vite burg 71-vjeçarin! Ngjarja ndodhi në dhjetor të vitit 2020 në fshatin Balldre

Gjykata e Lezhës ka dënuar me 12 vite burg 71-vjeçarin, Gjergj Gjini i cili në muajin dhjetor të vitit 2020 plagosi me armë zjarri fqinjin e tij Hil Gjini. Ngjarja ndodhi në fshatin Balldre të Lezhës, ku 43-vjeçari Hil Gjini, teksa po dërgonte fëmijët në shkollë, u qëllua me armë nga fqinji sapo kishte dalë nga banesa me automjetin e tij tip "Benz".

Plagosi fqinjin, Gjykata e Lezhës dënon me 12 vite burg 71-vjeçarin! Ngjarja ndodhi në dhjetor të vitit 2020 në fshatin Balldre

43-vjeçari Hil Gjini që u plagos një vit më parë

Gjykata e Lezhës ka dënuar me 12 vite burg 71-vjeçarin, Gjergj Gjini i cili në muajin dhjetor të vitit 2020 plagosi me armë zjarri fqinjin e tij Hil Gjini. Ngjarja ndodhi në fshatin Balldre të Lezhës, ku 43-vjeçari Hil Gjini, teksa po dërgonte fëmijët në shkollë, u qëllua me armë nga fqinji sapo kishte dalë nga banesa me automjetin e tij tip "Benz".

Trupa gjykuese e kryesuar nga gjyqtari Artan Hajredinaj e gjeti fajtor të moshuarin për veprat penale "Plagosje e rëndë me dashje", "Mbajtje pa leje dhe prodhimi i armeve shpërthyese dhe municionit" si dhe "Kanosja". Prokuroria kishte kërkuar dënimin e tij me 20-vite burg, por ai përfitoi nga ndryshimi i kualifikimit të veprës penale nga vrasje me paramendim në plagosje e rëndë me dashje si dhe nga bashkimi i dënimeve, ndërsa vuajtja e dënimit do të bëhet në një burg të sigurisë së zakonshme.

Në qëndrimet e tij 71-vjeçari Gjergj Gjini ka deklaruar se i kishte zënë pritë fqinjit për ta trembur dhe se nuk kishte patur qëllim që të qëllonte me armë zjarri në drejtim të tij. 43-vjeçari Hil Gjini u plagos mëngjesin e 1 dhjetorit të vitit 2020, teksa ishte në makinë me bashkëshorten dhe 3 fëmijët e tij.

Këta të fundit fatmirësisht nuk morën dëmtime, pasi bashkëshortja e 43-vjeçarit arriti të zbresë nga makina dhe fillimisht ka mundur t'i ulë dorën e më pas t'i rrëmbejë armën të moshuarit Gjergj Gjini i cili në ato momente po qëllonte drejt bashkëshortit të saj.

Policia arriti të prangosë autorin disa orë pas ngjarje si dhe në cilësinë e provës materiale sekuestroi armen e krimit dhe disa gëzhoja.

Në deklarimet në polici 70-vjeçari ka deklaruar se fqinji i kishte helmuar delet shumë vite më parë si dhe kishin patur konflikte të vazhdueshme për çështje pronësie.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit