POP 5

Lajmet më të lexuara të 5 minutave të fundit

Sport

"Po bëjmë gabime 'copy paste'," Trajneri Daja i zhgënjyer me mbrojtësit e Partizanit! Shkëmbi: Dinamo e lumtur për barazimin

Trajneri i Partizanit Ilir Daja shprehet shumë i zhgënjyer që ekipi përsëriti gabimet e ndeshjeve të kaluara në derbin me Dinamon, që mungonte prej 12 vitesh në Superligë. Ndërkohë te Dinamo janë të lumtur me barazimin 1-1, duke qenë se ekipi luajti për një pjesë loje me një lojtar më pak.

Mungonte prej 12 vitesh derbi Dinamo-Partizani në Superligë dhe pritshmëritë për një ndeshje të bukur rezultuan të vërteta, pasi në ‘Elbasan Arena’ pati disa episode. Në fund ekipet morën nga një pikë për shkak të barazimit me shifrat 1-1, por Partizani u ndëshkua edhe njëherë si pasojë e një gabimi elementar, ndërsa Dinamo mbeti me një lojtar më pak që në fundin e pjesës së parë, pasi Safronac u ndëshkua me të kuq.

Në 45 minuta Partizani ia arriti vetëm të barazonte me Junior, që realizoi me penallti, por kur kanë kaluar 4 javë kampionat ende nuk e njofin fitoren.

Ilir Daja, trajneri i Partizanit: “Po ndodh gati si ‘cop paste’, në çdo ndeshje gabime. Nëse nuk do ishin këto gabime, që gjithmonë po shkojnë në favor të kundërshtarit, gjërat do të ishin ndryshe. Kur ndodhin këto është shumë e vështirë të përmbyshësh. Kemi ndryshuar edhe modul që mbrojtësat të mos kenë direkt presionin e kundërshtarit, por prap po përsëriten.”

 Tedi Cara, futbollist i Partizanit: “Ishte një ndeshje që e filluam mirë, e dominuam, por një gabim na kushtoi shumë. U munduam shumë ta përmbysnim, gabuam shumë raste. Personalisht ndihem shumë keq sepse nuk e ndihmova sa ç’duhet ekipin.”

Ndërkohë te Dinamo edhe pse pretendonin 3 pikët janë sërish të lumtur për barazimin.

Bledi Shkëmbi, trajner i Dinamos: “Jam i kënqur me mënyrën se si shkoi, me 10 lojtarë kundër një ekipi shumë të mirë, gjithmonë i vështirë si kundërshtar. Falenderoj djemtë për sakrificën që bënë dhe shpresojmë që ndeshjet e ardhshme të përmirësohemi akoma më shumë.”

Pas 4 ndeshjesh në Superligë Dinamo është në kuotën e 6 pikëve, ndërsa Partizani ka vetëm 3.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit