Po ndërtonte pa leje, në pranga ndërtuesi në Bajram Curri, në kërkim pronari i truallit

Është arrestuar në Bajram Curri, Tropojë, një ndërtues, pasi u kap duke kryer një ndërtim pa leje brenda vijës së verdhë, ndërsa u shpall në kërkim pronari i truallit. Me një njoftim për mediat, Policia bën me dije se A. M., 46 vjeç, lindur dhe banues në fshatin Senec-Kosovë, u konstatua duke punuar në një objekt në ndërtim në vendin e quajtur “Ish-parku”, lagjja Dardania, i papajisur me leje ndërtimi nga autoritetet kompentente.

Ai ishte në rolin e sipërmarrësit për kryerjen e punimeve dhe ndërtimi ishte brenda vijës së verdhë të qytetit të Bajram Currit.

Ndërkohë, trualli i ndërtimit rezultonte me certifikatë pronësie në emër të shtetasit F. J., i cili u shpall në kërkim për veprën penale “Ndërtimi i paligjshëm”, pasi nuk u gjet në banesë gjatë kontrollit të ushtruar nga shërbimet e Policisë.

Materialet procedurale i kaluan Prokurorisë, për veprime të mëtejshme, për veprën penale “Projektimi, mbikëqyrja, zbatimi ose kolaudimi i paligjshëm i ndërtimeve”, në ngarkim të shtetasit A. M., dhe për veprën penale “Ndërtimi i paligjshëm”, në ngarkim të shtetasit F. J.

TAG:
• Arrestime
• ndertim pa leje
• tropoje
• bajram curri

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë