POP 5

Lajmet më të lexuara të 5 minutave të fundit

Kronikë

Po transportonin ilegalisht 9 klandestinë tunizianë e algjerianë, arrestohen 2 të rinj nga Shkodra

Dy persona janë arrestuar pasi u kapën në flagrancë duke transportuar në mënyrë të paligjshme 9 shtetas algjerianë me destinacion Malin e Zi dhe pastaj vendet e BE-së.

Po transportonin ilegalisht 9 klandestinë tunizianë e algjerianë, arrestohen 2 të rinj nga Shkodra

Foto ilustruese

SHKODËR- Dy persona janë arrestuar pasi u kapën në flagrancë duke transportuar në mënyrë të paligjshme 9 shtetas algjerianë me destinacion Malin e Zi dhe pastaj vendet e BE-së.

Në pranga kanë rënë A. A., 30 vjeç dhe F. H., 45 vjeç. Burime zyrtare bëjnë me dije se dy personat u arrestuan në afërsi të PKK Hani i Hotit dhe u kapën teksa me mjetet e tyre po transportonin 9 shtetas të huaj algjerianë dhe tunizianë.

Mbi ta rëndon akuza për veprën penale “Ndihma për kalim të paligjshëm të kufijve“.

Njoftimi i Policisë
Shkodër/ Parandalohet dhe goditet një tjetër tentativë për dhënie ndihme për kalim të paligjshëm të kufirit, kundrejt fitimit.

Operacion nga strukturat e Drejtorisë Vendore të Policisë Shkodër. Arrestohen në flagrancë dy persona, për dhënie ndihme për kalim të paligjshëm të kufirit, të cilët transportonin 9 shtetas algjerianë.

Nga strukturat e Drejtorisë Vendore të Policisë Shkodër, në vijim të operacioneve të njëpasnjëshme të zhvilluara për parandalimin dhe goditjen e tentativës për dhënie ndihme për kalim të paligjshëm të kufirit, bazuar dhe në informacionet e marra në rrugë operative, pas një pune të mirorganizuar u arrestuan në flagrancë shtetasit:

A. A., 30 vjeç, banues në fshatin Vrakë, Malësi e Madhe;

F. H., 45 vjeç, banues në fshatin Boriç i Madh, Malësi e Madhe;

Arrestimi i tyre u bë, pasi në afërsi të PKK Hani i Hotit u kapën teksa me mjetet e tyre po transportonin 9 shtetas të huaj algjerianë dhe tunizianë, me destinacion Malin e Zi dhe pastaj vendet e BE-së.  Materialet iu referuan Prokurorisë së Rrethit Gjyqësor Shkodër, për veprën penale “Ndihma për kalim të paligjshëm të kufijve“.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit